ជនស//ង្ស័យគ្រឿ//ងញៀ//ន ចំនួន០២នាក់ ទាំងអ្នកទិញ និងអ្នកលក់ សមត្ថកិច្ចឃា//ត់ខ្លួន

តាកែវ ៖ ដោយមានការចង្អុល បង្ហាញពីសំណាក់លោក ឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលនិតិវិធីពីឯកឧត្តមព្រះរាជអាជ្ញាអមសាលាដំបូងខេត្តតាកែវ នៅថ្ងៃព្រហស្បតិ៍៧កើត ខែកត្តិក ឆ្នាំរោងឆស័កព.ស.២៥៦៨ត្រូវនឹងថ្ងៃទី០៧ ខែវិច្ឆិកា ឆ្នាំ២០២៤ លោកវរសេនីយ៍ឯក ជា សុផល អធិការនគរបាលស្រុក បានចាត់លោកវរសេនីយទោ ហៀម ស្រីម អធិការរងទទួលការងារប្រយុទ្ធប្រឆាំងគ្រឿងញៀន និងលោកវរសេនីយ៍ទោ ឃុត ឃីម អធិការរង ដឹកនាំកម្លាំងជំនាញស្រុកធ្វើការឃាត់ខ្លួនជនសង្ស័យ ០១នាក់÷
១• ឈ្មោះ ម៉ាត់ ចាន់ធី ភេទប្រុស អាយុ២៨ឆ្នាំ (មុខរបរមិនពិតប្រាកដ) មានទីលំនៅភូមិផ្សារ ឃុំភ្នំដិន ស្រុកគិរីវង់ ខេត្តកែវ នៅចំណុចកែងជុំមិត្ត ។
ក្រោយពីធ្វើការឃាត់ ខ្លួនសមត្ថកិច្ចជំនាញធ្វើការឆែកឆេររកឃើញរួមមាន ÷ម្សៅក្រាមពណ៌សថ្លាចំនួន០៣កញ្ចប់ ។
ក្នុងពេលសាកសួរជនសង្ស័យខាងលើបានឆ្លើយសារភាពថាថ្នាំញៀននេះរូបគេបានទទួលទិញពីឈ្មោះ ថា សុីមិន ហើយសមត្ថកិច្ចយើងបានបន្តនិតិវិធីធ្វើការឃាត់ខ្លួនឈ្មោះ ថា សុីមិន នៅចំណុចវាលស្រែខាងលិចកែងជុំមិត្តស្ថិតនៅភូមិពោធិ៍ខ្វិតឃុំព្រះបាទជាន់ជុំ ស្រុកគិរីវង់ ខេត្តតាកែវតែម្តង ។ កម្លាំងជំនាញយើងធ្វើការសាកសួរនិងកសាងសំណុំរឿងតាមនិតវិធីច្បាប់ ៕