ក្រសួងមហាផ្ទៃ ជូនដំណឹងពីកាលបរិច្ឆេទ និងមណ្ឌលប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួសនៅស្នងការដ្ឋាននគរបាលរាជធានីភ្នំពេញ ប្រចាំឆ្នាំ២០២៤

(ភ្នំពេញ)៖ ក្រសួងមហាផ្ទៃ បានចេញសេចក្តីជូនដំណឹងស្តីពីកាលបរិច្ឆេទ និងមណ្ឌលប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិបំពេញជួស ប្រចាំឆ្នាំ២០២៤ ឱ្យចូលបម្រើការងារនៅអធិការដ្ឋាននគរបាលខណ្ឌ និងការិយាល័យជំនាញ នៃស្នងការដា្ឋននគរបាលរាជធានីភ្នំពេញ។

តាមរយៈសេចក្តីជូនដំណឹងដែលបណ្តាញព័ត៌មាន ទទួលបាននៅថ្ងៃទី១៣ ខែវិច្ឆិកា ឆ្នាំ២០២៤នេះ ក្រសួងមហាផ្ទៃ សូមជូនដំណឹងដល់បេក្ខជនទាំងអស់ ដែលបានដាក់ពាក្យសុំចូលរួមប្រឡងប្រជែងចូលបម្រើការងារក្នុងក្របខ័ណ្ឌមន្ត្រីនគរបាលជាតិបំពេញជួស ប្រចាំឆ្នាំ២០២៤ នៅអធិការដ្ឋាននគរបាលខណ្ឌ និងការិយាល័យជំនាញនៃស្នងការដ្ឋាននគរបាលរាជធានីភ្នំពេញ ឱ្យបានជ្រាបថា សម័យប្រឡងប្រព្រឹត្តនៅថ្ងៃទី២៤ ខែវិច្ឆិកា ឆ្នាំ២០២៤ វេលាម៉ោង ៧:០០នាទីព្រឹក។

បេក្ខជនទាំងអស់ត្រូវទៅមើលឈ្មោះ លេខបន្ទប់ លេខតុ នៅរសៀល ថ្ងៃទី២៣ ខែវិច្ឆិកា ឆ្នាំ២០២៤ នៅមណ្ឌលប្រឡងវិទ្យាល័យ ជា ស៊ីម សន្ធរម៉ុក៕