ឃា//ត់ខ្លួនជនស//ង្ស័យម្នាក់ ករណីមុខសញ្ញាជូញដូរ និងប្រើប្រាស់សារធាតុញៀន

ស្រុកត្រាំកក់ : ដោយមានបទបញ្ជាយ៉ាងម៉ើងម៉ាត់ ពីលោកឧត្តមសេនីយ៍ទោ ម៉ែន លី ស្នងការ នៃស្នងការនគរបាលខេត្តតាកែវ កម្លាំងប៉ុស្តិ៍នគរបាលរដ្ឋបាលត្រពាំងធំខាងត្បូង សហការជាមួយកម្លាំងជំនាញ នៃអធិការដ្ឋាននគរបាលស្រុកត្រាំកក់ ដឹកនាំបញ្ជាដោយលោក វរៈសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានចេញល្បាតតាមដងផ្លូវសំខាន់ៗ លុះមកដល់ចំណុចផ្លូវគ្រួសក្រហម ស្ថិតនៅភូមិត្រពាំងតាសោម ឃុំត្រពាំងធំខាងត្បូង ដោយមានការសង្ស័យ សមត្ថកិច្ចយើង បានឃាត់ជនសង្ស័យចំនួនមួយនាក់ ០១នាក់ ឈ្មោះ មិត្ត មៅ ភេទប្រុស អាយុ ៤០ឆ្នាំ មានទីលំនៅភូមិត្រពាំងតាសោម ឃុំត្រពាំងធំខាងត្បូង(ជួញដូរ និងប្រើប្រាស់) នឹងធ្វើការឆែកឆេររកឃើញរួមមាន: ម្សៅក្រាមពណ៌សថ្លាសង្ស័យជាសារធាតុចំនួន ១១ កញ្ចប់(ធំ១កញ្ចប់ តូច១០កញ្ចប់) ទូរសព្ទដៃចំនួន ០១គ្រឿង
ដោយមានការសម្របសម្រួលដោយលោក ទៀវ ពណ្ណរាយ ព្រះរាជអាជ្ញារង អមសាលាដំបូងខេត្តតាកែវ កម្លាំងសមត្ថកិច្ចក៏បាន ធ្វើការឃាត់ខ្លួនជនសង្ស័យរួមនឹងវត្ថតាងដើម្បីកសាងសំណុំរឿងតាមនីតិវិធីច្បាប់៕