ជនស//ង្ស័យ២នាក់ ពាក់ព័ន្ធករណីគ្រឿ//ងញៀ//ន ឃា//ត់ខ្លួននៅស្រុកបរកែវ

ខេត្តរតនគិរី÷ ជនសង្ស័យ២នាក់ត្រូវបានសមត្ថកិច្ចជំនាញធ្វើការឃាត់ខ្លួនពាក់ព័ន្ធករណីរក្សាទុក ជួញដូរនិងប្រើប្រាស់នូវសារធាតុគ្រឿងញៀន។
ប្រតិបត្តិការនេះបានធ្វើឡើងកាលពីថ្ងៃទី២៦ ខែវិច្ឆិកា ឆ្នាំ២០២៤ នៅចំណុចចម្ការស្វាយចន្ទី ស្ថិតក្នុងភូមិប៉ាអរ ឃុំលុងឃុង ស្រុកបរកែវ។ ឃាត់ខ្លួនជនសង្ស័យចំនួន២នាក់ និងធ្វើការឆែកឆេរលើដងខ្លួនជនសង្ស័យរកឃើញគ្រឿងញៀនចំនួន៤កញ្ចប់ នៅក្នុងការបូបស្ពាយរបស់ជនសង្ស័យឈ្មោះ លឹង ម្លាក ក្រោយពីធ្វើការឃាត់ខ្លួន និងឆែកឆេររួចសមត្ថកិច្ចយើងក៏យកជនសង្ស័យមកអធិការរដ្ឋាននគរបាលស្រុកបរកែវ ដើម្បីសួរនាំ និងអនុវត្តតាមនិតិវិធីច្បាប់។
ជនសង្ស័យ២នាក់ ៖
១-ឈ្មោះ លឹង ម្លាក ភេទប្រុស អាយុ២៣ឆ្នាំ ជនជាតិទំពួន
២-ឈ្មោះវិល ផ្យេល ភេទប្រុស អាយុ២៩ឆ្នាំ ជនជាតិទំពួន
ដកហូតសម្ភាររួមមាន
១-ក្រាមព៌ណសថ្លាសង្ស័យជាសារធាតុញៀនចំនួន៤កញ្ចប់(១កញ្ចប់ធំ ៣កញ្ចប់តូច)
២-ទូរស័ព្ទដៃចំនួន១គ្រឿង។
ជនសង្ស័យរួមទាំងវត្ថុតាងខាងលើត្រូវបានឃាត់ និងរក្សាទុកនៅអធិការដ្ឋាននគរបាលស្រុកបរកែវ ដេីម្បីបន្តនីតិវិធី និងកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគិរីចាត់ការបន្តតាមនីតីវិធីច្បាប់៕