ហួសចិត្ត! ប្រទះឃើញវ៉ាលីធំមួយទុកចោលក្បែរមាត់ប្រឡាយ សង្ស័យរាយការណ៍ជូនកម្លាំងអាជ្ញាធរពាក់ព័ន្ធចុះទៅពិនិត្យ ជាក់ស្ដែងមិនមានអ្វីក្នុងនោះទេ

ភ្នំពេញ ៖ ហេតុការណ៍នេះ បង្កឲ្យមានការភ្ញាក់ផ្អើលឡេីងនៅ យប់ថ្ងៃទី១ ខែ ធ្នូ ឆ្នាំ២០២៤ នៅចំនុចផ្លូវប្រឡាយលូ១០៥ កែងផ្លូវ៤៣២ សង្កាត់បឹងត្របែក ខណ្ឌចំការមន រាជធានីភ្នំពេញ ។

ប្រភពព័ត៌មានបានបញ្ជាក់ថា ប្រជាពលរដ្ឋប្រទះឃើញវ៉ាលីធំមួយទុកចោលក្បែរមាត់ប្រឡាយ ប្រជាពលរដ្ឋសង្ស័យរាយការណ៍ជូនកម្លាំងអាជ្ញាធរពាក់ព័ន្ធចុះទៅពិនិត្យ តែជាក់ស្ដែងមិនមានអ្វីក្នុងនោះទេ ។

មុនពេលកេីតហេតុ ពួកគាត់បានទទួលដំណឹងពីបងប្អូនប្រជាពលរដ្ឋ ដែលធ្វើដំណើរឆ្លងកាត់តាមផ្លូវខាងលេី បានប្រទះឃើញវ៉ាលីធំល្មមមួយ បានទុកចោលនៅមាត់ប្រឡាយហើយ ដោយសារតែមានការសង្ស័យថា ក្នុងវ៉ាលីនោះមានរបស់របរ ឬជាអ្វីផ្សេងៗនៅក្នុងនោះ ក៏សម្រេចរាយការណ៍ជូនកម្លាំងអាជ្ញាធរពាក់ព័ន្ធ មានទាំងមន្ត្រីសាលាខណ្ឌ និងកម្លាំងអាវុធហត្ថខណ្ឌចំការមនបានចុះទៅរកមេីលក៍ប្រទះឃើញវ៉ាលីនោះពិបាកប្រាកដមែន តែមិនអ្វីដែរ ។ ជាក់ស្ដែង នៅពេលឆែកឆេរទៅឃើញថា មិនមានអ្វីនៅ ក្នុងវ៉ាលីនោះទេ បានត្រឹមតែនាំគ្នាផ្ទុះសំណើចគ្រប់គ្នា ហេីយក៏សម្រចនាំគ្នាចេញទៅវិញអស់ទៅ ៕