បង្រ្កាបមុខសញ្ញា ជួញដូរដោយខុសច្បាប់នូវសារធាតុញៀនចំនួន ២នាក់ ដកហូតគ្រឿង//ញៀន ១១កញ្ចប់

សំរោងទង : នៅថ្ងៃទី ១៧ ខែ ធ្នូ ឆ្នាំ២០២៤ ដោយមានការ សម្របសម្រួលពីលោក រ៉ា លីសួន ព្រះរាជអាជ្ញារង អមសាលាដំបូងខេត្ត និងមានការចង្អុលដឹកនាំដោយផ្ទាល់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ កម្លាំងផ្នែកប្រឆាំងគ្រឿង ញៀនស្រុក បានបង្រ្កាបមុខសញ្ញាជួញដូរដោយខុសច្បាប់នូវសារធាតុញៀនចំនួន ២នាក់ នៅចំណុចភូមិដក់ពរ ឃុំវល្លិសរ ស្រុកសំរោងទង ខេត្តកំពង់ស្ពឺ ដូចខាងក្រោម:
១.ឈ្មោះ អឿន បូរិន ហៅស្រួច ភេទ ប្រុស អាយុ ៤០ឆ្នាំ នៅភូមិដក់ពរ ឃុំវល្លិសរ ស្រុកសំរោងទង ខេត្តកំពង់ស្ពឺ ។
២.ឈ្មោះ ខាន់ ម៉េង ហៅឃីត ភេទ ប្រុស អាយុ ២៩ឆ្នាំ នៅភូមិគ្នោកព្នៅ ឃុំ វល្លិសរ ស្រុកសំរោងទង ខេត្តកំពង់ស្ពឺ ។
ដកហូតវត្ថុតាងរួមមាន : ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ១១កញ្ចប់ (មធ្យម ៣កញ្ចប់) ទូរស័ព្ទដៃ ២គ្រឿង , និងឧបករណ៍សម្រាប់ប្រើប្រាស់គ្រឿងញៀន ១ ៕