បញ្ចេញឈុតដំបូងបន្តិចនៃ MV បទ «កុលាបមានបន្លា» របស់តារាចម្រៀង ព្រាប សុវត្ថិ ឃើញហើយពិតជាទាក់ទាញ និងចង់រាំតាម

(ភ្នំពេញ)៖ សំឡេងដ៏ក្រអួនក្រអៅ អមដោយកាយវិការស់រវើក របស់តារាចម្រៀងជើងចាស់ ព្រាប សុវត្ថិ នៅក្នុង MV បទថ្មី «កុលាបមានបន្លា» ដែលមិនទាន់ចេញផ្លូវការ ហើយទើបត្រូវបានគេទម្លាយចេញនូវឈុតខ្លះៗ តាមបណ្ដាញសង្គមទទួលបានការចាប់អារម្មណ៍ខ្លាំងពីហ្វេនៗ ដែលបានស្ដាប់ហើយចង់រាំតាម។
ទន្ទឹមនឹងពាក្យសំណូមពរពីហ្វេនៗ និងអ្នកគាទ្រមួយចំនួនថា ចង់ប្ដូរអ្នកនិពន្ធ និងដឹកនាំសម្ដែងថ្មី ដើម្បី IDOL បញ្ចេញសមត្ថភាពអស្ចារ្យរបស់ខ្លួន ខាបយកបេះដូងអ្នកគាំទ្រកាន់តែច្រើននោះ សម្រាប់អ្នកគាំទ្រមួយចំនួន នៅតែកោតសរសើរនូវទឹកដមសំឡេង និងកាយវិការសម្ដែងដ៏រស់រវើករបស់តារាចម្រៀង ព្រាប សុវត្ថិ។ អ្នកខ្លះថា IDOL នៅតែអេម សំឡេងពីរោះត្រូវចិត្ដយុវវ័យ ហើយតាមរយៈបទថ្មីនេះ នឹងធ្វើឲ្យហ្វេនៗកាន់តែពេញចិត្ដ។
MV បទថ្មីមានចំណងជើងថា «កុលាបមានបន្លា» ត្រូវបាននិពន្ធ និងផលិតឡើងដោយផលិតកម្ម Galaxy ដែលច្រៀង និងសម្ដែងផ្ទាល់ដោយតារាចម្រៀងប្រុស ព្រាប សុវត្ថិ។ ខាងក្រោមនេះជាវីដេអូចម្រៀងដែលលោក ព្រាប សុវត្ថិ ទម្លាយដោយផ្ទាល់នៅលើបណ្ដាញសង្គមរបស់លោក ហើយទទួលបានការចាប់អារម្មណ៍ច្រើនពីមហាជន៕