បង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន

(ខេត្តកំពត) ៖ នៅវេលាម៉ោង១៤:១០នាទី ថ្ងៃទី ២៣ ខែ ធ្នូ ឆ្នាំ២០២៤ កម្លាំងកងរាជអាវុធហត្ថក្រុងកំពត ចំនួន០៧នាក់ សហការជាមួយកម្លាំង អ.ហ ខេត្ត ចំនួន០២ នាក់ ប្រើប្រាស់មធ្យោបាយរថយន្ត០១គ្រឿង និងម៉ូតូ ចំនួន០៣ គ្រឿង ដឹកនាំដោយលោក វ.ទោ សន សុខឿន មេបញ្ជាការកងរាជអាវុធហត្ថក្រុងកំពត ។ បានចុះបង្ក្រាបមុខសញ្ញាជួញដូរនិងប្រើប្រាស់ដោយខុសច្បាប់នូវសារធាតុញៀន ដោយប្រើវិធានការញុះញង់ នៅចំណុច ភូមិដូង ឃុំ ស្ទឹងកែវ ស្រុក ទឹកឈូ ខេត្តកំពត។
លទ្ធផលនៃការបង្ក្រាប ៖
យើងឃាត់ខ្លួនជនសង្ស័យ បានចំនួន០១នាក់ រួមមាន :
១. ឈ្មោះ អ៊ុង មូរោះ ភេទ ប្រុស អាយុ ២២ ឆ្នាំ មុនរបប មិនពិតប្រាកដ រស់នៅ ភូមិ ដូង ឃុំ ស្ទឹងកែវ ស្រុកទឹក ឈូ ខេត្ត កំពត (ជួញដូរ)
+ វត្ថុតាងចាប់យករួមមាន:
-គ្រឿងញៀនចំនួន០១កញ្ចប់(០១កញ្ចប់តូច) មានទម្ងន់០.៥៦ក្រាម ថ្លឹងទាំងសំបកថង់
-ទូរស័ព្ទដៃចំនួន០១ គ្រឿង
-ម៉ូតូចំនួន០១ គ្រឿង
ជនសង្ស័យនិងវត្ថុតាងត្រូវបានបញ្ជូនខ្លួនទៅមន្ទីរស្រាវជ្រាវនិងបង្ក្រាបបទល្មើសដើម្បីអនុវត្តតាមនីតិវិធី ៕