ឃា…ត់ខ្លួនជនស…ង្ស័យ ករណីអំពើលួ…ចឆ័ត្រ

កណ្តាល ៖ នៅថ្ងៃអង្គារ៩រោច ខែមិគសិរ ឆ្នាំរោង ឆសក័ព.ស២៥៦៨
ត្រូវនឹងថ្ងៃទី ២៤ ខែ ធ្នូ ឆ្នាំ២០២៤ ករណីអំពើលួច(ឆ័ត្រ) ។

នៅកើតហេតុ៖ថ្ងៃទី២១ ខែ ធ្នូ ឆ្នាំ២០២៤ នៅចំណុច ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។

ជនរងគ្រោះ ឈ្មោះ លន់ បូរិន ភេទប្រុស អាយុ៤៥ឆ្នាំ ជនជាតិខ្មែរ រស់នៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ លក់ដូរ។

ជនសង្ស័យ ឈ្មោះ ស៊ុន រស្មី ហៅម៉ាប់ ភេទប្រុស អាយុ១៥ឆ្នាំ ជនជាតិខ្មែរ ទីលំនៅក្រោមស្ពានព្រែកសំរោង ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរ÷រើសអេតចាយ (ឃាត់ខ្លួន)។
-មានសារធាតុញៀនក្នុងទឹកនោម(+)។

វត្ថុតាងចាប់យក៖
១-រ៉ឺម៉កម៉ូតូពណ៌លឿងគ្មានស្លាកលេខ០១។
២-ពិលពាក់ក្បាលពណ៌ខ្មៅ០១។
៣-ខ្វាវដងជ័រ០១។
៤-ដែករុំពត់ទាញសំយ៉ាបផ្ទះ០១។
៥-ដង្កាប់០៣។
៦-កន្ត្រៃ០១។
៧-ទួណឺវីស០១។

ជនរងគ្រោះបានភ្ញាក់ពីដំណេក ទៅរៀបចំឥវ៉ាន់លក់ដូរដូចសព្វដង ពេលនោះស្រាប់តែជនរងគ្រោះបានបាត់ឆ័ត្រចំនួន១មិនដឹងនរណាលួចយកទៅបាត់ ភ្លាមនោះជនរងគ្រោះបានទៅឆែកកាំមេរ៉ាសុវត្តិភាពមើលក៏ឃើញមានជនសង្ស័យចំនួន១នាក់ បានបើករ៉ឺម៉កម៉ូតូមកឈប់នៅមុខផ្ទះរបស់ខ្លួនរួចបានធ្វើសកម្មភាពលួចឆ័ត្ររបស់ខ្លួនដាក់លើរ៉ឺម៉កជិះចេញទៅបាត់។ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅប៉ុស្តិ៍កំពង់សំណាញ់ដើម្បីឲ្យជួយស្រាវជ្រាវរកជនរងគ្រោះបានយកវីដេអូក្នុងកាំមេរ៉ាសុវត្តិភាពមកបង្ហាញសមត្ថកិច្ចប៉ុស្តិកំពង់សំណាញ់ក៏ស្គាល់ភិនភាគជនសង្ស័យ។លុះដល់ថ្ងៃទី២៤ ខែ ធ្នូ ឆ្នាំ ២០២៤ កំលាំងប៉ុស្តិ៍កំពង់សំណាញ់បានល្បាតក៏បានជួបជនសង្ស័យកំពុងបើករ៉ឺម៉កភ្លាមនោះបានឃាត់ខ្លួនជនសង្ស័យរួមទាំងវត្ថុតាងយកមកសួរនាំនៅប៉ុស្តិ៍និងកសាងសំណុំរឿងចាត់ការតាមនិតិវិធី។

ជនសង្ស័យបានសារភាពថា រូបខ្លួនពិតជាបានធ្វើសកម្មភាពបើករ៉ឺម៉កម៉ូតូលួចឆ័ត្ររបស់ជនរងគ្រោះយកទៅលក់ឲ្យអ្នកលក់ចាប់ហួយនៅជិតស្ពានព្រែកសំរោង បានលុយចំនួន១០០០០រៀលប្រាកដមែន។ ជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីបន្តចាត់ការតាមនិតិវិធីច្បាប់ ៕