រថយន្តមួយគ្រឿង កំពុងបើកតាមផ្លូវសុខៗមិនដឹងពីមូលហេតុអ្វី ស្រាប់តែត្រូវភ្លើងឆេះឆេះខ្មួលខ្ញាញ់

ខេត្តព្រះសីហនុ ៖ ហេតុការណ៍នេះបង្កឱ្យមានការភ្ញាក់ផ្អើលឡើងកាលពី យប់ថ្ងៃទី២៣ ខែធ្នូ ឆ្នាំ២០២៤ នៅចំណុចតំបន់សេដ្ឋកិច្ចពិសេស ភូមិពូធឿង ឃុំ បិតត្រាំង ស្រុកព្រៃនប់ ខេត្តព្រះសីហនុ។

រថយន្តមួយគ្រឿងកំពុងបើកបរតាមផ្លូវសុខៗមិនមកពីមូលហេតុអ្វីស្រាប់តែត្រូវភ្លើងឆេះឆេះខ្មួលខ្ញាញ់ ហើយត្រូវបានប្រជាពលរដ្ឋទំនាក់ទំនងទៅសមត្ថកិច្ចហៅរថយន្តពន្លត់អគ្គិភ័យចេញធ្វើអន្តរាគមន៍បាញ់ទឹកពន្លត់ ចំណែកអ្នកបើកបររត់គេចខ្លួនបាត់ស្រមោល ។

សមត្ថកិច្ចបានឱ្យដឹងថា រថយន្តដែលត្រូវអគ្គិភ័យឆាបឆេះនេះម៉ាកម៉ាសស្តា ពណ៌ស ពាក់ស្លាកលេខ ភ្នំពេញ 2BE-5366 ត្រូវបានភ្លើងឆេះស្ទើរតែទាំងស្រុង។
មុនពេលកើតហេតុគេឃើញរថយន្តបើកបរសុខៗ ស្រាប់តែភ្លើងឆាបឆេះតែម្តង មិនដឹងថាឆ្លងចរន្តភ្លើងឬយ៉ាងណានោះទេ។ ភ្លាមៗនោះត្រូវបានប្រជាពលរដ្ឋទំនាក់ទំនងទៅសមត្ថកិច្ចហៅរថយន្តពន្លត់អគ្គិភ័យមួយគ្រឿងចេញទៅជួយអន្តរាគមន៍បាញ់ទឹកពន្លត់ ។ បន្ទាប់ពីកើតហេតុម្ចាស់រថយន្តបានគេចខ្លួនបាត់ ហើយក្រោយពន្លត់ភ្លើងរលត់ សមត្ថកិច្ចបានស្ទូចយករថយន្តនេះទៅរក្សាទុកដើម្បីស្រាវជ្រាវបន្ត៕