ឃា..ត់ខ្លួនជនស..ង្ស័យ ករណី ជួញដូរ,រក្សាទុកនិងប្រើប្រាស់នូវសារធាតុញៀន ដោយខុសច្បាប់

កណ្តាល៖ ករណី ជួញដូរ,រក្សាទុកនិងប្រើប្រាស់នូវសារធាតុញៀនដោយខុសច្បាប់
ថ្ងៃទី២៥ខែ ធ្នូ ឆ្នាំ២០២៤ ចំណុច ផ្លូវបេតុងស្ថិតនៅភូមិខ្សាច់ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ។
ថ្ងៃទី ២៦ ខែ ធ្នូ ឆ្នាំ២០២៤ នៅចំណុច ព្រៃត្រែងមាត់ទន្លេ ស្ថិតនៅភូមិខ្សាច់ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ។
ជនសង្ស័យ ចំនួន ០៣ នាក់ :(ឃាត់ខ្លួន )
១- ឈ្មោះ ផល រិទ្ធ ហៅក្រៅ គ្មាន ភេទ ប្រុស អាយុ ៣៦ ឆ្នាំ ជនជាតិ ខ្មែរ
មុខរបរ កម្មករសំណង់ ។
អាស័យដ្ឋានបច្ចុប្បន្ន:ស្ថិតនៅភូមិខ្សាច់ សង្កាត់អរិយក្សត្រ ក្រុងអរិយក្សត្រ ខេត្តកណ្តាល ។
២- ឈ្មោះ ឃ្លាំង ស៊ីម៉ន ហៅក្រៅ ប៉េ ភេទ ប្រុស អាយុ ៣៩ ឆ្នាំ ជនជាតិ ខ្មែរ
មុខរបរ មិនពិតប្រាកដ ។
៣- ឈ្មោះ ឈិន សុខណាន ហៅក្រៅ ជី ជី ភេទ ស្រី អាយុ ២៣ ឆ្នាំ ជនជាតិ ខ្មែរ
មុខរបរ មិនពិតប្រាកដ។
ជនសង្ស័យទាំងពីរនាក់នេះ មានអាស័យដ្ឋានបច្ចុប្បន្ន ស្ថិតនៅភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ខេត្តកណ្តាល។ ជនសង្ស័យទាំងបីនាក់ត្រូវបានឃាត់ខ្លួននិងតេស្តិ៍សារធាតុញៀនក្នុងទឹកនោមលទ្ធផលវិជ្ជមាន( +)។
វត្ថុតាងចាប់យកនៅកន្លែងកើតហេតុរួមមាន៖
១-ថ្នាំញៀនប្រភេទ មេតំហ្វេតាមីន ចំនួន០១ កញ្ចប់ ទំងន់សរុប=០.០៦ ក្រាម ។
២-ទូរសព្ទ័ម៉ាក Nokia ចំនួន០១ គ្រឿងនិង Iphone ចំនួន០១គ្រឿង។
៣-ម៉ូតូម៉ាក VIVA ចំនួន០១គ្រឿង គ្មានផ្លាកលេខ។
៤-កាំភ្លើងកែច្នៃចំនួន០១គ្រឿង។
នៅថ្ងៃទី២៥ ខែ ធ្នូ ឆ្នាំ២០២៤ វេលាម៉ោង២៣និង០០នាទីកម្លាំងផ្នែកប្រឆាំងគ្រឿងញៀននៃអធិការ ដ្ឋាននគរបាលក្រុងអរិយក្សត្របានជិះល្បាតក្នុងភូមិសាស្ត្រមកដល់កន្លែងកើតហេតុក៏ប្រទះឃើញជនសង្ស័យឈ្មោះ ផល រិទ្ធ ក៏ហៅត្រួតពិនិត្យឃើញមានថ្នាំញៀនចំនួន០១កញ្ចប់តូច ។
នៅចំពោះមុខសមត្ថកិច្ចជនសង្ស័យឈ្មោះ ផល រិទ្ធបានសារភាពថាថ្នាំញៀនរបស់ខ្លួនចំនួន ០១កញ្ចប់នេះគឺខ្លួនទិញពីឈ្មោះ ឃ្លាំង ស៊ីម៉ន ហៅ ប៉េ នៅចំណុចមាត់ទន្លេក្បែរកំពង់ចម្លងអរិយក្សត្រ ស្ថិតនៅភូមិអរិយក្សត្រ សង្កាត់អរិយក្សត្រ ក្រុងអរិយក្សត្រ ក្នុងតម្លៃ០២ម៉ឺនរៀល ដើម្បីយកមកជក់។
ដោយយោងតាមចំលើយសារភាពរបស់ជនសង្ស័យឈ្មោះ ផល រិទ្ធ នៅព្រឹក ថ្ងៃទី២៦ខែឆ្នាំដដែល វេលាម៉ោង១១និង៣០នាទីកម្លាំងជំនាញយើងក៏បានសហការណ៍ជាមួយកម្លាំងប៉ុស្តិ៍នគរបាលរដ្ឋបាលអរិយក្សត្របានបន្តទៅស្វែងរកនិងឃាត់ខ្លួន ឈ្មោះ ឃ្លាំង ស៊ីម៉ន ហៅ ប៉េ ឈ្មោះ ឈិន សុខណាន នៅ គោលដៅទី០២បន្តទៀត។
នៅចំពោះមុខសមត្ថកិច្ចជនសង្ស័យ ឈ្មោះ ឃ្លាំង ស៊ីម៉ន ហៅ ប៉េ បានសារភាពថាថ្នាំញៀន ០១ កញ្ចប់របស់ឈ្មោះ ផល រិទ្ធ គឺ ឈ្មោះ ផល រិទ្ធ បានប្រគល់ប្រាក់ផ្ញើរតាមខ្លួនដើម្បីទៅទិញនៅចំណុច ផ្សារ សុរិយ៉ាម៉លក្នុងរាជធានី ភ្នំពេញ ហើយកន្លងមកខ្លួនធ្លាប់ទៅទិញច្រើនលើកមកហើយ គឺខ្លួនទិញម្តងៗ ក្នុង តម្លៃចាប់៤ម៉ឺនរៀល-៦ម៉ឺនរៀល ដើម្បីយកមកជក់ខ្លះនិងលក់ខ្លះ។
ជនសង្ស័យ រួមជាមួយនឹងវត្ថុតាងត្រូវបានសមត្ថកិច្ចនាំខ្លួន និងយកមករក្សាទុកនៅ អធិការដ្ឋាននគរបាលក្រុងអរិយក្សត្រ ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕