ឃា..ត់ខ្លួនជនស..ង្ស័យ៣នាក់ ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ដកហូតថ្នាំញៀនមួយចំនួន

ភ្នំពេញ៖ ដេីម្បីរក្សាបាននូវសុវត្តិភាពដល់បងប្អូនប្រជាពលរដ្ឋក៏ដូចជាបង្ក្រាបក្រុមក្មេងទំនេីង អ្នកប្រើប្រាស់និងជូញដូរគ្រឿងញៀន នៅថ្ងៃទី៨ ខែមករា ឆ្នាំ២០២៥ កម្លាំងសមត្ថកិច្ចបានចុះធ្វើរដ្ឋបាលក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ឃាត់ខ្លួនជនសង្ស័យប្រុសស្រី៣នាក់ និងដកហូតថ្នាំញៀនមួយចំនួន។
ជនសង្ស័យទី១-ឈ្មោះកែវ សុវណ្ណស្រីពេជ្រ ភេទស្រី អាយុ១៣ឆ្នាំ ស្នាក់នៅបន្ទប់ជួល ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ, ទី២-ឈ្មោះសឹង្ហ ឌី ភេទប្រុស អាយុ២៨ឆ្នាំ ស្នាក់នៅបន្ទប់ជួលក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណេីតនៅខេត្តព្រៃវែង។ ចំណែកម្នាក់ទៀតមិនទាន់ស្គាល់អត្តសញ្ញាណនៅឡេីយទេ។

ក្រោយឃាត់ខ្លួន ជនសង្ស័យត្រូវបានបញ្ជូនទៅផ្នែកគ្រឿងញៀននៃអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមច្បាប់៕