គ្រោះថ្នាក់ចរាចរណ៍ រវាងឡាននិងម៉ូតូ បណ្តាលលឲ្យរងការខូចខាតម៉ូតូយ៉ាងដំណំ និងរងរបួស

ភ្នំពេញ ៖ ហេតុការណ៍នេះកើតឡើងកាលពី ថ្ងៃទី ១០ ខែមករា ឆ្នាំ២០២៥ នៅត្រង់ចំណុចមុខខារ៉ាអូខេសែន សុខ ផ្លូវ ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

បុរសបើករថយន្តស៊េរីទំនើបម៉ាក Escalade ពាក់ស្លាកលេខ ភ្នំពេញ2CA-8934 បត់ចូលខារ៉ាអូខេ បុកជាមួយម៉ូតូឌ្រីមសង់ពាក់ស្លាកលេខ ភ្នំពេញ 1KY-1353 ជិះដោយយុវជនម្នាក់ជិះផ្លូវត្រង់ បុកចំពីមុខពេញទំហឹង បណ្តាលលឲ្យរងការខូចខាតម៉ូតូយ៉ាងដំណំ និងរងរបួស ។

សមត្ថកិច្ចមូលដ្ឋានបានចុះមកដល់ទីតាំង ភាគីទាំងសងខាងធ្វើការសម្របសម្រួលគ្នា ដោយឡែកខាងភាគីម៉ូតូឃើញរថយន្តគេស៊េរីទំនើប ដូចជាមានសភាពភ័យស្លន់ស្លោ និង ភ័យខ្លាចផង ក៏បានប្រាប់ទៅភាគីម្ចាស់រថយន្តសុំស្មើរគ្នា ចំណែកម្ចាស់រថយន្ត ក៏បានបើករថយន្ដចេញពីកន្លែងកើតហេតុភ្លាមៗ ធ្វើឲ្យមតិមហាជនមួយចំនួននៅនិងកន្លែងកើតហេតុបានលើកឡើងថាហេតុអ្វីក៏រថយន្តបើកបត់ឆ្លងផ្លូវសោះបុកម៉ូតូ ម្ចាស់ម៉ូតូមិនសុំសំណងពីម្ចាស់រថយន្តខ្លះ គ្រាន់យកទៅជួសជុលម៉ូតូនិងព្យាបាលរបួស ហេតុអ្វីក៏ឃើញរថយន្តគេស៊េរីទំនើបក៏មានការភ័យ ។ ចុងក្រោយម្ចាស់ម៉ូតូក៏ខូចខាត មនុស្សក៏រងរបួសដឹកតាមម៉ូតូកង់បីទៅសង្គ្រោះនៅឯមន្ទីរពេទ្យ ៕