យុវជន៣នាក់ម៉ូតូឌុបគ្នាលឿនជ្រុងបុកម៉ូតូនារីម្នាក់ បេីកឆ្លងស្តុបរងរបួសធ្ង..ន់ស្រាល៤នាក់

ភ្នំពេញ៖ យុយុវជន៣នាក់បើកម៉ូតូឌុបគ្នាយ៉ាងលឿនខ្វះការប្រុងប្រយ័ត្នជ្រុងបុកម៉ូតូមួយគ្រឿងទៀតបេីកបរដោយនារីម្នាក់បណ្តាលឲ្យរងរបួសធ្ងន់៣នាក់ស្រាលម្នាក់ ត្រូវបានរថយន្តសង្គ្រោះរបស់មន្ទីរពេទ្រកម្ពុជាចិនព្រះកុសុមៈដឹកយកទៅសង្រ្គោះបន្ទាន់ភ្លាមៗ។

ហេតុការណ៍គ្រោះថ្នាក់ចរាចរណ៍នេះបង្កឲ្យមានការភ្ញាក់ផ្អើលឡើងកាលពី យប់ថ្ងៃទី១៤ ខែមករា ឆ្នាំ២០២៥ នៅតាមបណ្តោយផ្លូវកម្ពុជាក្រោម កែកែងផ្លូវលេខ២៦១ ស្ថិតនៅសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
នៅមុនពេលកេីតហេតុគេឃើញនារីម្នាក់ជិះម៉ូតូម៉ាកហុងដា ZOOMER -X ពណ៌ក្រហមពាក់ស្លាកលេខសៀមរាប1Y-6565បេីកតាមបណ្ដោយផ្លូវ២៦១ក្នុងទិសដៅពីត្បូងទៅជេីងឆ្លងស្តុបទឹកល្អក់ ខណៈបើកឆ្លងជិតផុតស្រាប់តែឃើញយុវជន៣នាក់ជិះម៉ូតូម៉ាកហុងដាឌ្រីមសង់ ពណ៌ខ្មៅពាក់ស្លាកលេខភ្នំពេញ1LB-9241បេីកបរតាមបណ្ដោយផ្លូវកម្ពុជាក្រោមក្នុងទិសដៅពីកេីតទៅលិចក្នុងល្បឿនយ៉ាងលឿន បានជ្រុលទៅបុក ម៉ូតូនារីម្នាក់ដែលបេីកឆ្លងភ្លើងស្តប់ អូសជាច្រេីនម៉ែត្របណ្តាលឲ្យររបួសធ្ងន់៣នាក់ នឹងម្នាក់រងរបួសស្រាល ។ ប្រភពពត៌មានពីកន្លែងកើតហេតុបានបន្តទៀតថាខណៈពេលគ្រោះថ្នាក់ភ្លាមៗ នារីរងគ្រោះម្នាក់នឹងយុវជន២នាក់ទៀតដែលរងរបួសធ្ងន់ត្រូវបានរថយន្តសង្គ្រោះរបស់មន្ទីរពេទ្រកម្ពុជាចិនព្រះកុសមៈដឹកយកទៅសង្រ្គោះបន្ទាន់ភ្លាមៗ ។
បន្ទាប់ពីកើតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចជំនាញចរាចរណ៍ខណ្ឌទួលគោកភ្លាមៗ ដេីម្បីវាស់វែងយកម៉ូតូទាំង២គ្រឿងយកទៅរក្សាទុកដេីម្បីរងចាំការដោះស្រាយគ្នានៅពេលក្រោយ ៕