ករណីគ្រោះថ្នាក់ចរាចរណ៍ រវាងម៉ូតូវ៉ាជែងរួចដួលចូលក្រោមរថយន្ដ នៅឃុំអណ្ដូងថ្ម ស្រុកព្រៃនប់

ស្រុកព្រៃនប់-សមត្ថកិច្ចបានឲ្យដឹងថា មានករណីគ្រោះថ្នាក់ចរាចរណ៍ (ម៉ូតូវ៉ាជែងរួចដួលចូលក្រោមរថយន្ដ) នៅឃុំអណ្ដូងថ្ម ស្រុកព្រៃនប់ នៅល្ងាចថ្ងៃទី១៥.០១.២០២៥ វេលាម៉ោង ១៦:៤១នាទី នៅលើផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៨៤-១៨៥ ស្ថិតក្នុងភូមិបន្ទាយប្រិយ៍ ឃុំអណ្ដូងថ្ម ស្រុកព្រៃនប់ ខេត្តព្រះសីហនុ កើតឡើង បង្កដោយម៉ូតូ ០១គ្រឿងម៉ាក HONDA SCOOPY I ពណ៌ស ដែលមានទិសដៅពីខេត្តព្រះសីហនុ ឆ្ពោះទៅ រាជធានីភ្នំពេញ បើកបរដោយឈ្មោះ ចិន ឆលីហ៊ាង ភេទប្រុស អាយុ៣១ឆ្នាំ មុខរបរយោធា មានទីលំនៅភូមិបឹងតាព្រហ្ម ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ (ពាក់មួកសុវត្ថិភាព) លុះមកដល់ចំណុចខាងលើ បានឡើងវ៉ាជែង(វ៉ាស្ដាំ) រថយន្ដ ០១គ្រឿងម៉ាក HINO ពណ៌ស ដែលមានទិសដៅស្របគ្នា បើកបរដោយឈ្មោះ សុខ សារ៉ូត ភេទប្រុស អាយុ៣៦ឆ្នាំ មុខរបរបើកបររថយន្ដ មានទីលំនៅភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង បណ្ដាលឲ្យម៉ូតូទាក់ដៃចង្កូត រួចអ្នកបើកបរម៉ូតូខ្ទៀតចូលទៅក្រោមរថយន្ដ បណ្ដាលឲ្យកង់រថយន្ដខាងក្រោយផ្នែកខាងស្ដាំបានកិ.នអ្នកបើកបរម៉ូតូតែម្ដង ៕