ម្ចាស់ផ្ទះ.ធ្វេសប្រហែសដុតធូបទុកចោល បណ្ដាលឱ្យមានអគ្គិភ័យឆាបឆេះផ្ទះ និងខូចខាតសម្ភារៈមួយចំនួន
ខេត្តបាត់ដំបង ៖ នៅថ្ងៃ ចន្ទ ៧រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ២០ ខែ មករា គ.ស ២០២៤។
នៅថ្ងៃទី ២០ ខែ មករា ឆ្នាំ២០២៤ វេលាម៉ោងប្រហែល ១៥និង៤៥ នាទី នៅចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង មានករណីអគ្គិភ័យកើតឡើងចំនួន០១លើក បណ្តាលឲ្យឆេះផ្ទះចំនួន ០១ ខ្នង ទំហំ ៤មX៥ម របស់ម្ចាស់ផ្ទះឈ្មោះ ថោង សុថា ភេទ ប្រុស អាយុ ៧៦ឆ្នាំ។
+សម្ភារខូចខាតរួមមាន:
-ឆេះផ្ទះ ០១ខ្នង
-ឆេះអង្ករ ០៣ ការុង
-ឆេះកង់ជិះចំនួន ០៣កង់
-ឆេះម៉ូតូសងស៊េរីចាស់ ០១ គ្រឿង
-ឆេះលុយចំនួន ៧០០.០០០ រៀល
មូលហេតុ ៖ ម្ចាស់ផ្ទះដុតធូបទុកចោល ក៏បណ្តាលអោយឆាបឆេះតែម្តង ។
សមត្ថកិច្ច បានចេញរថយន្តពន្លត់អគ្គិភ័យចំនួន ១គ្រឿង ប្រើប្រាស់ទឹកអស់ចំនួន ២រថយន្ត ៕
