មន្រ្តីយោធាម្នាក់ តាមដីកាបង្គាប់ឲ្យចាប់ខ្លួន ពីបទជួញដូរជួញដូរគ្រឿង..ញៀនដ៏ធំនៅកម្ពុជា និងថៃ

បាត់ដំបង៖ អាវុធហត្ថស្រុកកំរៀង បានចាប់ខ្លួនមន្រ្តីយោធាម្នាក់តាមដីកាបង្គាប់អោយចាប់ខ្លួនរបស់សាលាដំបូងខេត្ត ពីបទជួញដូរដោយខុសច្បាប់នូវសារធាតុញៀនដ៏នៅកម្ពុជា និងថៃ។

ចាប់ខ្លួនមន្រ្តីយោធានេះធ្វើឡើងនៅ ថ្ងៃទី២៩ ខែមករា ឆ្នាំ២០២៥ នៅចំណុចភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង ដោយបានឃាត់ខ្លួនជនត្រូវចោទម្នាក់ ឈ្មោះ ហម រ៉ា ភេទប្រុស អាយុ ៤៣ឆ្នាំ មុខរបរយោធា រស់នៅភូមិគគីរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង តាមដីកាបង្គាប់ឱ្យនាំខ្លួនលេខ ៥៦តព្រ/២៥ ចុះថ្ងៃទី ២៨ ខែមករា ឆ្នាំ២០២៥ របស់លោកស្រី នុត សុម៉ារី ចៅក្រមស៊ើបសួរនៃសាលាដំបូងខេត្តបាត់ដំបង ពីបទជួញដូរដោយខុសច្បាប់នូវសារធាតុញៀន (ស្ថានទម្ងន់ទោស បរិមាណគ្រឿងញៀនច្រើនលើសលប់)ប្រព្រឹត្តនៅចំណុចភូមិសាស្រ្តខេត្តបាត់ដំបង,ខេត្តកំពង់ស្ពឺ,រាជធានីភ្នំពេញ និងក្នុងទឹកដីប្រទេសថៃ កាលពីអំឡុងឆ្នាំ២០២៣ រហូតដល់ថ្ងៃទី ២២ ខែមករា ឆ្នាំ២០២៥។
ជាមួយការឃាត់ខ្លួនជនត្រូវចោទខាងលើ សមត្ថកិច្ចជំនាញបានដកហូតវត្ថុតាង ,ទុសសៀ១ មានបង់៣ និងគ្រាប់ចំនួន៩០គ្រាប់ ,ទូរស័ព្ទដៃចំនួន ០២គ្រឿង បន្ទាប់មកជនត្រូវចោទកំពុងឃាត់ខ្លួនបញ្ជូនទៅតុលសការដើម្បីចាត់ការតាមនីតិវិធី៕