ជនបង្កដែលបើករថយន្ដដឹកខ្សាច់បុកអ្នកជិះកង់ហាត់ប្រាណពីក្រោយ បណ្ដាលឱ្យស្លា..ប់ ត្រូវបាននគរបាលស្រុកព្រៃកប្បាស ឃាត់ខ្លួនបានហើយ

តាកែវ ៖ ជនបង្កដែលបើករថយន្ដដឹកខ្សាច់បុកអ្នកជិះកង់ហាត់ប្រាណពីក្រោយបណ្ដាលឱ្យស្លាប់ ត្រូវបាននគរបាលស្រុកព្រៃកប្បាសឃាត់ខ្លួនបានហើយ ។

សូមបញ្ជាក់ថា គ្រោះថ្នាក់នេះកើតឡើងយប់ ម៉ោង5 ទៀបភ្លឺ ថ្ងៃ15/02/2025 ក្រោយកើតហេតុ រថយន្តបានបើករត់គេចបាត់មិនទទួលខុសត្រូវ ហើយទីកន្លែងងងឹតស្ងាត់ គ្មានសាក្សី។ ដោយទទួលបានបញ្ជាយ៉ាងម៉ឺងម៉ាត់ពី លោកឧត្តមសេនីយ៍ទោ ម៉ែន លី កម្លាំងនគរបាល នៃអធិការដ្ឋាននគរបាលស្រុកព្រៃកប្បាស ដឹកនាំផ្ទាល់ដោយលោកវរសេនីយ៍ឯក ឡេង ប៊ុនឡុង អធិការ បានខិតខំប្រឹងប្រែងស្រាវជ្រាវ ដោយជំនាញ រហូតដល់ថ្ងៃទី12/03/2025 ឈានដល់ឃាត់ខ្លួន ជនបង្កឈ្មោះណាំ ឈាវ ភេទប្រុស អាយុ 28ឆ្នាំ រស់នៅភូមិអណ្ដូង ឃុំក្រាំងយ៉ូវ ស្រុកស្អាង ខេត្តកណ្ដាល និងដកហូតបានរថយន្តបង្ក ដើម្បីផ្ដន្ទាទោសតាមច្បាប់ ៕