ដំណើរទស្សនៈកិច្ចរបស់បងប្អូនខ្មែរពីប្រទេសអូស្ត្រាលី និងនូវ៉ែលហ្សេឡង់ មកស្គាល់ព្រំដែននៃប្រទេសកម្ពុជា និងចូលរួមយល់ដឹងអំពី ការអភិវឌ្ឍន៍ និងការពារព្រំដែនកម្ពុជា “ឮរាប់រយដង មិនស្មើនឹងមកមើលឃើញម្ដង”

ភ្នំពេញ÷ដំណើរទស្សនៈកិច្ចរបស់បងប្អូនខ្មែរពីប្រទេសអូស្ត្រាលី និងណូវែលហ្សេឡង់ មិនត្រឹមតែជាការមកស្គាល់ព្រំដែនជាតិប៉ុណ្ណោះទេ ប៉ុន្តែជាការបង្ហាញឆន្ទៈដ៏មុះមុតក្នុងការចូលរួមយល់ដឹងអំពី ការអភិវឌ្ឍន៍ និងការពារព្រំដែនកម្ពុជា។
ក្នុងឱកាសនេះ ឯកឧត្តម ឡាំ ជា, រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានធ្វើបទបង្ហាញអំពី ការកំណត់ និងការពារព្រំដែនជាតិ ដើម្បីឱ្យបបងប្អូនខ្មែរយល់ពី វិធានការរបស់រាជរដ្ឋាភិបាលក្នុងការការពារអធិបតេយ្យភាព និងការរក្សាសន្តិភាពតំបន់ព្រំដែន។
បន្ថែមលើនេះ បងប្អូនសហគមន៍ខ្មែរនឹងអញ្ជើញ ចុះមើលទីតាំងសព្រំដែនដោយផ្ទាល់ នៅថ្ងៃទី១៨ ខែមីនា ២០២៥ ដើម្បីពិនិត្យជាជាក់ស្តែងអំពីស្ថានភាពព្រំដែន កម្ពុជា-វៀតណាម ក្នុងខេត្តចំនួន៣ ខេត្តត្បូងឃ្មុំ ក្រចេះ និង មណ្ឌលគីរី។
ឯកឧត្តម ឡាំ ជា បានថ្លែងអំណរគុណដល់បងប្អូនសហគមន៍ខ្មែរដែលរស់នៅប្រទេសអូស្ត្រាលី និងនូវ៉ែលហ្សេឡង់ ដែលបានចំណាយពេលវេលាអញ្ជើញមកស្តាប់បទបង្ហាញ និងចូលរួមទស្សនៈកិច្ចដោយផ្ទាល់។ ការចូលរួមយ៉ាងសកម្មនេះ បង្ហាញពី ការគាំទ្រយ៉ាងខ្ពស់ចំពោះគោលនយោបាយរបស់រាជរដ្ឋាភិបាល ក្នុងកិច្ចការការពារព្រំដែនជាតិកម្ពុជា ៕