ផ្លូវជាតិលេខ១០ (សំឡូត-វាលវែង-កោះកុង) សម្រេចបានជាង ៩៨ភាគរយ គ្រោងបញ្ចប់នៅខែមិថុនា ឆ្នាំ២០២៥

គិតត្រឹមដំណាច់ខែមីនា ឆ្នាំ២០២៥ គម្រោងស្ថាបនាផ្លូវជាតិលេខ១០ តភ្ជាប់ពីសំឡូត-វាលវែង-កោះកុង សម្រេចបានលទ្ធផលជារួម ៩៨,១៦% ហើយ ។

ក្រសួងសាធារណការនិងដឹកជញ្ជូន បញ្ជាក់ថា ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប១៩៧,៣៦ គីឡូម៉ែត្រ និងទទឹង ៩ម៉ែត្រ។

គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មកហើយគ្រោងនឹងបញ្ចប់នាខែមិថុនា ឆ្នាំ២០២៥ ខាងមុខនេះ៕