ឯកឧត្តម សុត រស្មី រដ្ឋលេខាធិការ អញ្ជើញចុះពិនិត្យវាយតម្លៃ ប្រគល់-ទទួលការងារស្ថាបនាលើកកម្រិតខ្នងទំនប់សណ្តខាងក្នុងស្ទឹងព្រែកត្នោត (ព្រៃស) ក្នុងភូមិសាស្ត្ររាជធានីភ្នំពេញ

នៅថ្ងៃអង្គារ ៤កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១ ខែមេសា ឆ្នាំ២០២៥ ឯកឧត្តម សុត រស្មី រដ្ឋលេខាធិការ និងជាអនុប្រធានគណៈកម្មាធិការលទ្ធកម្ម(គល) ក្នុងនាមតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំក្រុមការងារអន្តរក្រសួង ដែលរួមមាន ក្រសួងធនធានទឹក និងឧតុនិយម ក្រសួងសេដ្ឋកិច្ច និងហិរញ្ញវត្ថុ និងមន្ត្រីជំនាញរបស់នាយកដ្ឋាន ចុះពិនិត្យជាក់ស្តែងលើការងារស្ថាបនាលើកកម្រិតខ្នងទំនប់សណ្តខាងក្នុងស្ទឹងព្រែកត្នោត (ព្រៃស) ដែលមានទីតាំងស្ថិតក្នុងភូមិសាស្ត្ររាជធានីភ្នំពេញ។
សូមជម្រាបថា គម្រោងស្ថាបនាលើកកម្រិតខ្នងទំនប់សណ្តខាងក្នុងស្ទឹងព្រែកត្នោត (ព្រៃស) ដែលការងាររួមមាន៖ ១)ជួសជុលទំនប់១ខ្សែ ប្រវែង១០០០ម៉ែត្រ ២)សាងសង់សំណង់បេតុងលើទំនប់ ប្រវែង ១០០០ម៉ែត្រ ៣)ជួសជុលសំណង់ទ្វារទឹក លើទំនប់(ទ្វារ១)ចំនួន១កន្លែង និង៤)សាងសង់សំណង់ដោះទឹកលូមូលលើទំនប់ ចំនួន ១កន្លែង៕