សមត្ថកិច្ចស្រាវជ្រាវបង្ក្រាបករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀន ចាប់ខ្លួនក្រុមឧក្រិដ្ឋជនវៀតណាម ចំនួន០៤នាក់

ខេត្តស្វាយរៀង ៖ សមត្ថកិច្ចបើកប្រតិបត្តិការស្រាវជ្រាវបង្ក្រាបករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀន ចាប់ខ្លួនក្រុមឧក្រិដ្ឋជនវៀតណាម ចំនួន០៤នាក់ ដកហូតគ្រឿងញៀន បានជិត០៣គីឡូក្រាម នៅក្រុងបាវិត ។
សមត្ថកិច្ចបានឲ្យដឹងថា កាលពីថ្ងៃទី៣០ ខែមីនា ឆ្នាំ២០២៥ សមត្ថកិច្ចបានដឹកនាំកម្លាំងចុះបង្ក្រាបក្រុមឧក្រិដ្ឋជនជាជនជាតិវៀតណាម ចំនួន០៤នាក់ ដកហូតវត្ថុតាងរួមមានគ្រឿងញៀន ប្រភេទកេតាមីនគ្រាប់ ចំនួន២៨,១១៥គ្រាប់ (ទម្ងន់ជិត០៣គីឡូក្រាម) ។

ប្រភពបន្តថា ដោយមានការចង្អុលបង្ហាញ និងបញ្ជាពីលោកឧត្តមសេនីយ៍ទោ ពេជ្រ វិរៈ ស្នងការ នៃស្នងការដ្ឋាននគរបាលខេត្ត បានបញ្ជាកម្លាំងការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្ត សហការជាមួយកម្លាំងអធិការដ្ឋាននគរបាលក្រុងបាវិត កម្លាំងនគរបាលប៉ុស្តិ៍រដ្ឋបាលសង្កាត់បាវិត បានចុះធ្វើការបង្ក្រាប និងចាប់ខ្លួនក្រុមឧក្រិដ្ឋជនជនជាតិវៀតណាមចំនួន០៤នាក់ ដកហូតវត្ថុតាងរួមមាន ៖ គ្រឿងញៀនមប្រភេទកេតាមីន គ្រាប់ចំនួន២៨,១១៥គ្រាប់ ទម្ងន់ជិត០៣គីឡូក្រាម ។
ក្រោយពីធ្វើការសាកសួររួច សមត្ថកិច្ចបានកសាងសំណុំរឿងបញ្ជូនជនសង្ស័យ រួមទាំងវត្ថុតាង ទៅសាលាដំបូងខេត្តស្វាយរៀង ចាត់ការតាមនីតិវិធីច្បាប់ ៕