ឯកឧត្តម ចាយ សាមិត្ត រដ្ឋលេខាធិការក្រសួងបរិស្ថាន ចុះសួរសុខទុក្ខ កងទ័ពអង្គភាព យោធភូមិភាគទី១

ខេត្តស្ទឹងត្រែង៖ នៅថ្ងៃទី០១ ខែមេសា ឆ្នាំ២០២៥ នៅទីបញ្ជាការយោធភូមិ ភាគទី១ ឯកឧត្តម ចាយ សាមិត្ត រដ្ឋលេខាធិការក្រសួងបរិស្ថាន តំណាងឲ្យ ឯកឧត្តមបណ្ឌិត អ៊ាង សុផល្លែត រដ្ឋមន្តី្រក្រសួងបរិស្ថាន និងសហការី. លោកឧកញ៉ា ឈុំ កុសល អគ្គនាយករង ក្រុមហ៊ុន អានម៉ាឌីគ្រុប ដែលជាអង្គភាព សម្ព័ន្ធមេត្រីភាពជាមួយទីបញ្ជាការយោធភូមិភាគទី១ រួមនិង លោក យឹម ផែនអភិបាលរង ខេត្តស្ទឹងត្រែង បានចុះសំណេះសំណាល សួរសុខទុក្ខ នាយទាហាន នាយទាហានរង និង ពលទាហាន ព្រមទាំងនាំយកនូវអំណោយ ទៅចែក ជូនយោធិនអង្គភាពចំណុះបញ្ជាការដ្ឋានយោធភូមិភាគទី១ ដើម្បីចូលរួម អបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័កពុទ្ធសករាជ ២៥៦៨ គ្រិះសករាជ២០២៥ ដែលនឹងឈានចូលមកដល់ នៅពេលខាងមុខ។
.
ឧត្តមសេនីយ៍ទោ ហួតសុវណ្ណ មេបញ្ជាការរង នាយសេនាធិការយោធភូមិភាគទី១ បាន ថ្លែងនូវការស្វាគមន៍ យ៉ាងរ៉ាក់ទាក់កក់ក្តៅ ចំពោះវត្តមានដ៏ឧត្តុង្គឧត្តមរបស់គណៈអធិបតី ភ្ញៀវកិត្តិយសទាំងអស់ និង បាន ធ្វើសេចក្តី រាយការណ៍ សង្ខេបអំពីសកម្មភាពអនុវត្ត ភារកិច្ច ការពារជាតិរបស់អង្គភាពយោធភូមិភាគទី១ នាពេលកន្លងមក ដែលបានអនុវត្ត យ៉ាងម៉ឺងម៉ាត់នូវ បទបញ្ជារបស់ រាជរដ្ឋាភិបាល . ក្រសួងការពារជាតិ . អគ្គមេបញ្ជាការ . មេបញ្ជាការកងទ័ពជើងគោក ដោយបានចាត់តាំងកម្លាំង ចេញការពារ បូរណភាព ទឹកដី តាមបណ្តោយព្រំដែន កម្ពុជា.ឡាវ កម្ពុជា.វៀតណាម ស្ថិតក្នុង ភូមិសាស្ត្រដែលអង្គភាពទទួលខុសត្រូវដែល បច្ចុប្បន្នកម្លាំង យើងកំពុងឈរជើងការពារយ៉ាងរឹងមាំ លើភូមិសាស្ត្រ ។ អង្គភាពបានចាត់តាំងកម្លាំងប្រចាំការ ប្រចាំបញ្ជា និងកម្លាំងត្រៀមប្រយុទ្ធ ២៤ម៉ោងលើ២៤ម៉ោ ង ។ ចាត់តាំងកំលាំង រួមសហការជា មួយកម្លាំងមានសមត្ថកិច្ច និងអាជ្ញាធរដែនដី ទប់ស្កាត់រាល់ អំពើចោរកម្ម ឃាតកម្ម គ្រឿងញៀន និង អំពើអនាធិបតេយ្យគ្រប់រូបភាព ជាពិសេស ទប់ស្កាត់ និងបង្ក្រាប ការកាប់ទន្ទ្រានដីរដ្ឋធ្វើជាកម្មសិទ្ធិដោយខុសច្បាប់់ រក្សាការពារ សន្តិសុខ សុវត្ថិភាព របៀបរៀបរយសង្គម ជូនប្រជា ពលរដ្ឋ នៅ តាម មូលដ្ឋាន ភូមិ ឃុំ រស់នៅ ប្រកបដោយ ភាពសុខសាន្ត ។
.
ឧត្តមសេនីយ៍ទោ ហួតសុវណ្ណ មេបញ្ជាការរង នាយសេនាធិការ យោធភូមិភាគទី១តំណាងឲ្យ មេបញ្ជាការ មេបញ្ជាការរង នាយទាហាន នាយទាហានរង និង ពលទាហាន ទូទាំងអង្គភាព យោធភូមិភាគទី១ ប្តេជ្ញាការពារ នូវសុខសន្តិភាព ស្ថិរភាព និង សណ្តាប់ធ្នាប់សង្គម ទោះក្នុងតម្លៃណាក៏ដោយ ។
.ប្តេជ្ញាការពារ រាជរដ្ឋាភិបាលស្របច្បាប់ កើតចេញពីការបោះឆ្នោត ដឹកនាំដោយសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា ។
.មានមតិសំណេះសំណាលជាមួយយោធិនយើងនាឱកាសនោះ ឯកឧត្តម ចាយ សាមិត្តរដ្ឋលេខាធិការក្រសួងបរិស្ថាន តំណាងឲ្យ ឯកឧត្តមបណ្ឌិត អ៊ាង សុផល្លែត រដ្ឋមន្តី្រក្រសួងបរិស្ថាន បានពាំនាំនូវការផ្តាំផ្ញើសាក សួរសុខ ទុក្ខពីសំណាក់ សម្តេច អគ្គ មហាសេនាបតី តេជោ ហ៊ុន សែន ប្រធានព្រឹទ្ធ សភា នៃព្រះរាជាណាចក្រកម្ពុជា .សម្តេចគតិ ព្រឹទ្ធបណ្ឌិត ប៊ុន រ៉ានី ហ៊ុន សែន និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលជានិច្ចកាលសម្តេចទាំងបី តែងតែយក ចិត្តទុក ដាក់ ចំពោះសុខទុក្ខរបស់ បងប្អូនកងទ័ព យើងគ្រប់ ពេល វេលា ។
.ឯកឧត្តមបានសំដែងនូវមនោសញ្ចេតនានឹករលឹក និងបានថ្លែងនូវការកោតសរសើរ ចំពោះគំរូវីរៈភាព ដ៏អង់អាច ក្លាហាន របស់បងប្អូនកងទ័ពយើង ដែលបាន លះបង់សាច់ស្រស់ ឈាមស្រស់ ការពារជាតិ ការពារបូរណ ភាពទឹកដី ការពារដាច់ខាត នូវរដ្ឋធម្មនុញ្ញ ការពារស្ថាប័នព្រះមហាក្សត្រ និង ការពាររាជរដ្ឋាភិបាលស្របច្បាប់ ដែលកើ តចេញ ពីការបោះឆ្នោត រួមចំណែកស្តារ និងអភិវឌ្ឍន៍ប្រទេសជាតិឲ្យមានការរីកចំរើនរុងរឿងដូចសព្វថ្ងៃនេះ ។
.ឯកឧត្តមក៏បាន ថ្លែងនូវអំណរគុណជាពន្លឹក ចំពោះគំនិត ផ្តួចផ្តើមប្រកប ដោយគតិបណ្ឌិត របស់សម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធ សភា នៃព្រះរាជាណាចក្រកម្ពុជា និង សម្តេចគតិ ព្រឹទ្ធបណ្ឌិត ប៊ុន រ៉ានី ដែលបាន បង្កើត ឡើងនូវ វប្បធម៌នៃសិល្បៈ ចែករំលែក ដោយបានបង្កលក្ខណៈ ឲ្យបណ្តា ក្រសួងស្ថាប័នស៊ីវិល មានលទ្ធភាព ចូលរួមក្នុង ចលនា ពង្រឹងខឿនការពារ ជាតិនៃ ព្រះរាជា ណាចក្រ កម្ពុជា ឲ្យមានភាព រឹងមាំខ្លាំងក្លា ស្របតាមទិសស្លោក(( ទាំងអស់គ្នា ដើម្បី ការពារ ជាតិ ការពារជាតិ ដើម្បីទាំងអស់គ្នា )។
.ក្នុងឱកាសនៅដែរ ឯកឧត្តម ចាយ សាមិត្ត តំណាងឲ្យ ឯកឧត្តមបណ្ឌិត អ៊ាង សុផល្លែត រដ្ឋមន្តី្រក្រសួងបរិស្ថាន និងក្នុងនាមមន្រី្តរាជការក្រសួងបរិស្ថាន បាននាំយកនូវ អំណោយទៅចែកជូន នាយទាហាន នាយទាហានរង និង ពលទាហានក្នុង បញ្ជាការដ្ឋាន យោធភូមិភាគ ទី១ រួមមាន ៖ អង្ករ ១០០បាវ (១បាវ៥០ គ.ក្រ) , មីម៉ាៗ១០០ កេះ, ប្រេងឆា ២៥កេះ, ទឹកស៊ីអ៊ីវ ៥០យួរ, ទឹកត្រី ៥០យួរ, , ត្រីខ១០កេសធំ ,ទឹកដោះគោខាប់ ២០កេស ,ស្ករស ១០០គីឡូ, ប៊ីចេង ១៣០ថង់, ខ្ទឹមស ១៣០គីឡូ, ,អំបិល ២៥០គីឡូ. ឆៃប៉ូវ ២០០ គីឡូ ,ទឹកក្រូចចម្រុះ ៥០កេស ,ទឹកសុទ្ធ ៥០កេស ,ខោអាវស៊ីវិល១០២៤សំរាប់ ,ម៉ាស៊ីនព្រីធ័រ ១គ្រឿង , ម៉ូតូម៉ាកវ៉េវ ១០ គ្រឿង ថវិការចំនួន ៤០ លានរៀល ផងដែរ ៕