កម្លាំងជំនាញនៃអធិការស្រុកអង្គរបុរី ឃាត់ខ្លួនជនសង្ស័យចំនួន ៤ នាក់ ករណីគ្រឿង..ញៀន

ស្រុកអង្គរបូរី៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលពី ឯកឧត្តមព្រះរាជអាជ្ញា អមសាលាដំបូង ខេត្តតាកែវ ។

កាលពីថ្ងៃទី០៣ ខែមេសា ឆ្នាំ២០២៥ វេលាម៉ោង១៥និង៥៥នាទី លោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី បានបញ្ជាកម្លាំងជំនាញនៃអធិការដ្ឋាននគរបាលស្រុកអង្គរបូរី សហការជាមួយកម្លាំងប៉ុស្តិ៍រដ្ឋបាលព្រៃផ្គាំ បានចុះបង្ក្រាបមុខសញ្ញាជួញដូរ រក្សាទុក និងប្រើប្រាស់សារធាតុញៀនខុសច្បាប់ នៅចំណុចរោងទាប្រឡាយ៩០ ស្ថិតក្នុងភូមិទ្រង់ភូមិ ឃុំព្រៃផ្គាំ ស្រុកអង្គរបូរី ខេត្តតាកែវ ឃាត់ខ្លួនជនសង្ស័យចំនួន ០៣នាក់ មានដូចខាងក្រោមៈ
១.ឈ្មោះ ធី សុធា ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទ្រង់ភូមិ ឃុំព្រៃផ្គាំ ស្រុកអង្គរបូរី ខេត្តតាកែវ (ជួញដូរ រក្សាទុកនិងប្រើប្រាស់)
២.ឈ្មោះ ថាវ វ៉ាន់ឆៃ ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃផ្គាំក ឃុំព្រៃផ្គាំ ស្រុកអង្គរបូរី ខេត្តតាកែវ (ប្រើប្រាស់)
៣.ឈ្មោះ ចូង ផានិត ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃផ្គាំគ ឃុំព្រៃផ្គាំ ស្រុកអង្គរបូរី ខេត្តតាកែវ( ប្រើប្រាស់)
ដកហូតបានវត្ថុតាងមួយចំនួនមានដូចខាងក្រោម៖
១.ម្សៅក្រាមពណ៌សថ្លា ចំនួន ១០កញ្ចប់
២.ម៉ូតូ ចំនួន ០១គ្រឿង
៣.សម្ភារៈសម្រាប់ប្រើប្រាស់សារធាតុញៀនមួយចំនួន។
ក្រោយពីសួរចម្លើយជនសង្ស័យខាងលើរួច លោកអធិការ បានសុំយោបល់ លោកស្នងការ និងឯកឧត្តមព្រះរាជអាជ្ញា ដើម្បីបន្តនីតិវិធី បន្ទាប់មកកម្លាំងជំនាញបានឃាត់ខ្លួនជនសង្ស័យ ០១នាក់ទៀតឈ្មោះ ភួង ហើម ភេទប្រុស អាយុ២៦ឆ្នាំ មុខរបរមិនពិតប្រាកដ មានទីលំនៅភូមិស្ទឹងកំបុត ឃុំអង្គរបូរី ស្រុកអង្គរបូរី ខេត្តតាកែវ (ជួញដូរ) នៅចំណុចវត្តកំពង់ហ្លួង ក៏ធ្វើការឆែកឆេររកឃើញវត្ថុតាងមួយចំនួនមានដូចខាងក្រោមៈ
១.ម្សៅក្រាមពណ៌សថ្លា ចំនួន ០៤កញ្ចប់
២.ទូរស័ព្ទ ចំនួន ០១គ្រឿង
ករណីនេះសមត្ថកិច្ចជំនាញកំពុងធ្វើការសាកសួរនៅអធិការដ្ឋាន ដើម្បីកសាងសំណុំរឿងតាមនីតិវិធី ៕