កម្លាំងអាវុធហត្ថស្រុកភ្នំស្រួច ឃាត់ខ្លួនជនស..ង្ស័យម្នាក់ក្រោយធ្វើសកម្មភាពលួចបេះផ្លែស្វាយ

ភ្នំពេញ៖ ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានធ្វើការឃាត់ខ្លួនជនសង្ស័យ ០១នាក់ (ពាក់ព័ន្ធករណីលួច) ឈ្មោះ ទូច មេន ភេទប្រុស អាយុ៣៤ឆ្នាំ មានទីលំនៅភូមិស្រល់ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ។
ឃាត់ខ្លួននេះដោយជនសង្ស័យម្នាក់នេះបានធ្វើសកម្មភាពលួចបេះផ្លែស្វាយ នៅក្នុងចំការមួយកន្លែងស្ថិតនៅចំនុចភូមិវាលធំ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ដែលជាកម្មសិទ្ធិរបស់ ឈ្មោះ ធួន ចាន់ ភេទប្រុស អាយុ៥៩ឆ្នាំ។
ចាប់យកវត្ថុតាងបានរួមមាន៖ ម៉ូតូសណ្តោងរុឺម៉ក់ ០១គ្រឿង និងផ្លែស្វាយទម្ងន់២៥០គីឡូក្រាម(បានប្រគល់អោយម្ចាស់ដើមវិញ)។
ជនសង្ស័យ រួមនឹងវត្ថុតាងត្រូវបានកម្លាំងជំនាញមន្ទីរស្រាវជ្រាវនិងបង្រ្កាបបទល្មើស នៃបញ្ជាការការដ្ឋានកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕