អតីតកីឡាករបាត់ទាត់ជម្រេីសជាតិម្នាក់ ជិះម៉ូតូធ្លាក់ចូលទឹកប្រឡាយស្លា..ប់ យ៉ាងអាណោចអាធ័ម

ភ្នំពេញ ៖ អតីតកីឡាករបាល់ទាត់ជម្រេីសជាតិម្នាក់បានជិះម៉ូតូធ្លាក់ចូលទឹកប្រឡាយបណ្ដាលឲ្យលង់ទឹកស្លាប់យ៉ាងអាណោចអាធ័ម កាលពីយប់ ថ្ងៃទី២០ ខែមេសា ឆ្នំា២០២៥ បង្កការភ្ញាក់ផ្អើលនៅព្រឹក ថ្ងៃទី២១ ខែមេសា ឆ្នាំ២០២៥នេះ ស្ថិតនៅភូមិកំរ៉ែង សង្កាត់សាក់សំពៅ ខណ្ឌដង្កោ រាជធានីភ្នំពេញ ។
សពជនរងគ្រោះខាងលើមានឈ្មោះ ទេស សម្បត្តិ អាយុ២៨ឆ្នាំ ស្នាក់នៅបុរីទីលាង សង្កាត់ព្រៃវែង ខណ្ឌដង្កោ រាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា កាលពីយប់ថ្ងៃទី២០ ខែមេសា ឆ្នាំ២០២៥ជនរងគ្រោះខាងលើបានជិះម៉ូតូមួយគ្រឿងម៉ាកADV ពាក់ផ្លាកលេខ ភ្នំពេញ1KY-4937 ក្នុងទិសដៅពីលិចទៅកើតដោយល្បឿនលឿនហើយដោយយប់ងងឹតផងនោះ បណ្តាលឲ្យជ្រុលចង្កូតរអិលធ្លាក់ចូលទឹកប្រឡាយជម្រៅប្រហែល៤ម៉ែត្ររបស់ក្រសួងធនធានទឹកបាត់មួយយប់។ លុះមកដល់ព្រឹកឡើងសមត្ថកិច្ចមូលដ្ឋានសហការជាមួយក្រុមគ្រួសាររកសាកសពនិងម៉ូតូរបស់ជនរងគ្រោះ ក៏រកឃើញសពជនរងគ្រោះនៅក្នុងទឹកហើយបានស្រង់យកមកលើគោក ធ្វើការពិនិត្យសពនិងធ្វើកំណត់ហេតុប្រគល់សពជនរងគ្រោះទៅឲ្យក្រុមគ្រួសារដឹកយកទៅធ្វើបុណ្យតាមប្រពៃណី ៕