សពរបស់ជនរងគ្រោះត្រូវបានតម្កល់ធ្វើបុណ្យនៅក្នុងផ្ទះឈើចាស់ទ្រុឌទ្រោមមួយ ដែលព័ទ្ធជុំវិញដោយស័ង្កសីចាស់ៗធ្លុះមុខធ្លុះក្រោយ គ្មានភាពកក់ក្តៅ ឬភាពសមរម្យសម្រាប់ដំណើរចុងក្រោយរបស់មេគ្រួសារឡើយ
[ភ្នំពេញ] ឃើញហើយកាន់តែខ្លោចចិត្ត ទិដ្ឋភាពពិធីបុណ្យសពជនរងគ្រោះ ផ្ទះឈើហុំព័ទ្ធដោយដែកស័ង្កសីចាស់ៗធ្លុះមុខធ្លុះក្រោយ ប្រពន្ធបាត់បង់ស្វាមី កូនត្រូវបាត់បង់ឪពុកជារៀងរហូតគ្មានថ្ងៃអាចវិលត្រទ្បប់ ជីវភាពកាន់តែលំបាកពេលគ្មានបង្គោលនៃគ្រួសារ ព្រោះតែ រថយន្ត RANGE ROVER ស្លាកលេខ កម្ពុជា JJ CHING របស់អ្នកលក់អនទ្បាញម្ចាស់ប្រ៊េនល្បីឈ្មោះ បុកស្លាប់យ៉ាងអាណោចអាធ័មនៅលើផ្លូវបេតុង ភូមិក្ដីចាស់ សង្កាត់បាក់ខែង ខណ្ឌជ្រោយចង្វារ កាលពីវេលាម៉ោងប្រហែល១១យប់ ថ្ងៃទី២៨ ខែតុលា ឆ្នាំ២០២៦ ហើយព្យាយាមបើករត់រាប់គីទ្បូម៉ែត្រទៅកន្លែងស្ងាត់បកស្លាកលេខរៀបចំផ្លាស់ប្ដូរកង់ដើម្បីចង់បើករត់បន្តទៅទៀត ៕
តាំងពីវេលាយប់រត់គេចខ្លួនគិតមកដល់រសៀលស្មើរនេះជនបង្កមិនទាន់ចូលប្រគល់ខ្លួនទៅតាមផ្លូវច្បាប់នៅទ្បើយនោះទេ ៕
