ឃាត់ខ្លួនបុរសម្នាក់ ករណីប្រើហិង្សាដោយចេតនា យកដុំថ្មវាយទៅលើ ជនរងគ្រោះ

ភ្នំពេញ៖ កាលពី យប់ថ្ងៃទី៣១ ខែមករា ឆ្នាំ ២០២២ នៅចំណុចផ្លូវបេតុង ក្រុមទី៦ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។

ជនបង្កហេតុមានឈ្មោះប៊ុន សុភា ហៅខ្នុយ ជនជាតិខ្មែរ អាយុ៣៩ឆ្នាំ មុខរបរមិនពិតប្រាកដស្នាក់នៅផ្ទះគ្មានលេខ ផ្លូវបេតុង ក្រុមទី១ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ (មានសារធាតុញៀន)។
ចំណែកជនរងគ្រោះឈ្មោះយោម ចាន់ធឿន ភេទស្រី អាយុ៤២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះគ្មានលេខ ផ្លូវបេតុង ក្រុមទី៦ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ (រងរបួសឆ្អឹងថ្ពាល់ខាងឆ្វេង)។

មុនពេលកើតហេតុជនបង្កឈ្មោះប៊ុន សុភា បានផឹកស៊ីនៅផ្ទះរបស់ខ្លួន រួចបានដើរទៅផ្ទះជនរងគ្រោះឈ្មោះយោម ចាន់ ធឿន ដើម្បីបបួលទៅផឹកស៊ី តែជនរងគ្រោះមិនព្រមផឹកស៊ីជាមួយឡើយ ហើយឈ្មោះប៊ុន សុភាក៏បានដើរទៅផ្ទះរបស់ខ្លួនវិញ។ លុះមកដល់ម៉ោងកើតហេតុ ក៏មានរឿងទំនាស់ពាក្យសម្តីគ្នា ហើយជនសង្ស័យបានយកដុំថ្មវាយទៅលើជនរងគ្រោះបណ្តាលឱ្យរងរបួសផ្ទៃមុខខាងឆ្វេង។
ឃាត់បានទៅឃាត់ខ្លួនជនសង្សយ័ភ្លាមៗនៅកន្លែងកើតហេតុ។ ចំណែកវត្ថុតាងសមត្ថកិច្ចដកហូតបានដុំថ្មចំនួន០១ដុំ។ ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕