គ្រោះថ្នាក់ចរាចរណ៍បុករត់ បានកើតឡើងបង្កការភ្ញាក់ផ្អើលដ៏រន្ធត់ រវាងរថយន្តរបស់(ក្រុមហ៊ុនវើក)បានបុកជាមួយនឹងម៉ូតូ បណ្ដាលឱ្យបុរសម្នាក់ ស្លាប់ នៅនឹងកន្លែងភ្លាមៗ

ព្រះសីហនុ៖ កាលពី ល្ងាចថ្ងៃទី០១ ខែ កុម្ភៈ ឆ្នាំ២០២២ ស្ថិតនៅលើផ្លូវមិត្តភាព ម្តុំអូរ៥ ស្ថិតក្នុងភូមិ៥ សង្កាត់៤ ក្រុង/ខេត្តព្រះសីហនុ ។
មុនពេលកើតហេតុបានប្រទះឃើញបុរសម្នាក់បើកបរម៉ូតូ Honda Dream ឆ្នាំ២០២០ ពាក់ស្លាកលេខ ព្រះសីហនុ 1J-2941 បើបងក្នុងទិសដៅពីត្បូងមកជើង ស្រាប់តែមកដល់កន្លែងកើតហេតុខាងលើ មានរថយន្តមួយគ្រឿងទៀតម៉ាក starex ពណ៌ខៀវ ពាក់ស្លាកលេខ ភ្នំពេញ 2AU-6053 បើកបរក្នុងទិសដៅស្របគ្នាជាមួយម៉ូតូ បានបុកពីក្រោយម៉ូតូមួយទំហឹង បណ្ដាលឱ្យម្ចាស់ម៉ូតូបានស្លាប់ភ្លាមៗនៅកន្លែងកើតហេតុ ចំណែកឯរថយន្តបុកអូសជាមួយនឹងម៉ូតូចម្ងាយជិត ៤០០ម៉ែត្រ រួចធ្វើការគេចខ្លួនចេញពីកន្លែងកើតហេតុតែត្រូវសមត្ថកិច្ចចាប់ជាប់ទាំងមនុស្សនិងរថយន្ត ។

សមត្ថកិច្ចនគរបាលចរាចរណ៍ផ្លូវគោក បានធ្វើការវាស់វែងលើកយកវត្ថុតាងទាំងសងខាងទៅការិយាល័យចរាចរណ៍ដើម្បីធ្វើការដោះស្រាយទៅតាមនីតិវិធីផ្លូវច្បាប់ ចំណែកឯសាកសពម្នាក់មានឈ្មោះ រិន សាវឿន អាយុ ៥៣ ឆ្នាំ បច្ចុប្បន្នស្នាក់នៅក្នុង ក្រុម២២ ភូមិ០១ សង្កាត់លេខ០៤ ក្រុង/ខេត្តព្រះសីហនុ ត្រូវបានបញ្ជូនឲ្យក្រុមគ្រួសារយកទៅធ្វើបុណ្យតាមប្រពៃណី៕