ឈ្លោះ.ទា.ស់.ទែ.ង.គ្នាជាហូរហែ ពីបញ្ហា.ទំ.នា.ស់.ព្រំដីបណ្តាលឱ្យចង.គំ.នុំ.គ្នាជាសត្រូវរហូតដល់មានការខ្វែងគំនិតគ្នាបង្កើតឲ្យមានបញ្ហា.ចា.ក់.មួយកន្ត្រៃដល់ជនរងគ្រោះបណ្ដាលឱ្យ.ស.ន្ល.ប់.នៅនឹងកន្លែងកើតហេតុ

កំពង់ធំ÷ ករណីនេះបានកើតឡើងនៅ ថ្ងៃទី៣០ ខែមករា ឆ្នាំ២០២២ ករណីហិង្សាចេតនា មានអាវុធ(កន្រ្តៃ)បណ្តាលឱ្យរបួសធ្ងន់ កើតហេតុត្រង់ចំណុចមុខតូបលក់ដូរឈ្មោះពៀច ផិញ /ស្រី រស់នៅភូមិនីពេជ(ក)ឃុំនីពេជ ស្រុកកំពង់ស្វាយ ខេត្តកំពង់ធំ ស្ថិតលើផ្លូវក្រាលកៅស៊ូ។
បទហិង្សាដោយចេតនាមានអាវុធជាកន្ត្រៃមុខស្រួច បានបង្កឡើងដោយបុរសជាប្រជាពលរដ្ឋ រស់នៅភូមិនីពេជ(ក)ឃុំនីពេជ ស្រុកកំពង់ស្វាយ ខេត្តកំពង់ធំ ជនសង្ស័យឈ្មោះ បៀត ភត អាយុ៤៧ឆ្នាំ ចាក់មួយកន្ត្រៃទៅលើជនរងគ្រោះឈ្មោះ ឈឿង រ៉ាឃុន អាយុ២៧ឆ្នាំនៅភូមិ/ឃុំកើតហេតុខាងលើ បណ្ដាលឱ្យ( របួសធ្ងន់)ត្រូវចំ ពោះក្រោមផ្សិតផ្នែកខាងមុខ។ មូលហេតុ: មានគំនុំទំនាស់ព្រំដី(ព្រំដីផ្ទះជាប់គ្នា)និងបណ្តាលអោយសន្លប់នៅនិងកន្លែង ដោយត្រូវបានក្រុមគ្រួសារបញ្ជូនទៅមន្ទីរពេទ្យបង្អែកខេត្តកំពង់ធំដើម្បីព្យាបាល។
ក្រោយពីបានទទួលនូវសេចក្តីរាយការណ៍រួចមក លោកវីរៈសេនីយ៍ទោ កែ កញ្ចនា អធិការស្រុកកំពង់ស្វាយ បានចាត់កម្លាំងជំនាញចុះទៅឃាត់ខ្លួនជនសង្ស័យជាបណ្តោះអាសន្ន តាមការបញ្ជារបស់លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ មកដល់ពេលនេះកម្លាំងជំនាញកំពុងកសាងសំណុំរឿងចាត់ការតាមនីតិវិធី ៕