ឃាត់ខ្លួនស្ត្រីខ្មែរអ៊ិស្លាមម្នាក់ និងឆែកឆេរ ដកហូតបានគ្រឿងញៀន ចំនួន៦កញ្ចប់ធំ និង១ដុំធំ មានទម្ងន់ប្រមាណជិត២គីឡូក្រាម

ភ្នំពេញ ៖ នៅចំណុចផ្ទះលេខ១២ ក្រុម៤ ភូមិ៤ សង្កាត់ច្រាំងទី១ ខណ្ឌឬស្សីកែវ រាជធានីភ្នំពេញ ដឹកនាំដោយលោកឧត្តមសេនីយ៍ ទោ ឡេង ប៊ុណ្ណា នាយករងមន្ទីរប្រឆាំងគ្រឿងញៀ.ននៃក្រសួងមហាផ្ទៃ និងមានការសម្របសម្រួលពីលោកស៊ិត វណ្ណះ ព្រះរាជ អាជ្ញារង នៃអយ្យាការអមសាលាដំបូងរាជធានី ភ្នំពេញ នៅថ្ងៃទី៤ ខែកុម្ភៈ ឆ្នាំ២០២២ ។ ជនសង្ស័យជួញដូរគ្រឿងញៀនដែលត្រូវឃាត់ខ្លួនខាងលើឈ្មោះ ឯល អាត់ ទរី ភេទស្រី ជនជាតិខ្មែរអ៊ិស្លាម ស្នាក់នៅផ្ទះក្នុងភូមិឃុំខាងលើ។
ប្រតិបត្តិការឆែកឆេរខាងលើ សមត្ថកិច្ចបានរកឃើញគ្រឿងញៀនប្រភេទក្រាម ពណ៌សថ្លា ចំនួន៦កញ្ចប់ និង១ដុំធំ មានទម្ន់ប្រមាណជិត២គីឡូក្រាម និងដកហូតម៉ូតូចំនួន២គ្រឿង។
ទីតាំងខាងលើមានម្ចាស់ជាអ្នកជួញដូរគ្រឿងញៀន កន្លងមក ត្រូវបានសមត្ថកិច្ចឃាត់ខ្លួនឪពុកបញ្ជូនទៅកាន់សាលាដំបូងរាជធានីភ្នំពេញផ្តន្ទាទោសជាប់ពន្ធនាគារព្រៃស មិនទាន់ចេញផង ហើយលើកនេះសមត្ថកិច្ចឈានទៅឆែកឆេរ ឃាត់ខ្លួនកូនស្រី ព្រមទាំងដកហូតវត្ថុតាងគ្រឿងញៀនជិត២គីឡូក្រាមទៀត ៕