ភ្ញាក់ផ្អើលដល់អ្នកធ្វើដំណើរចោមរោមមើល និងរាយការណ៏មកសមត្ថកិច្ច ប្រទះឃើញបុរសម្នាក់ដេកស្លាប់ ខ្ទាតធ្លាក់ចូលទឹកបឹង

ខេត្តស្វាយរៀង៖ កាលពីនៅថ្ងៃទី ៦ខែកុម្ភៈឆ្នាំ២០២២ ចំណុចខាងកើតស្ពានខ្សែត្រក្នុងឃុំខ្សែត្រស្រុកកំពង់រោទ៏ខេត្តស្វាយរៀង។ បុរសនេះ មានឈ្មោះស៊ុន វុទ្ធី អាយុ ៤០ឆ្នាំមុខរបរជាងសំណង់ មានទីលំនៅភូមិខ្សែត ឃុំខ្សែតស្រុកកំពង់រោទិ៍ខេត្តស្វាយរៀង។
ប្រជាពលរដ្ឋឈ្មោះ សារ៉ាត បានមករាយការណ៍ផ្ទាល់មាត់ថា មានមនុស្សស្លាប់នៅក្នុងទឹកបឹង នៅចំណុចខាងកើតស្ពានខ្សែត្រចម្ងាយប្រហែលជា ១០០ ម៉ែត្រ ។
ក្រោយពីទទួលបានព័ត៌មានកម្លាំងប៉ុស្តិ៍ក៏បានសហការជាមួយកម្លាំងជំនាញកោសល្យវិច័យ ចរាចរណ៍ និងគ្រូពេទ្យចុះទៅដល់កន្លែងកើតហេតុក៏បានសន្និដ្ឋាន ពិតជាបានស្លាប់ដោយករណីគ្រោះថ្នាក់ចរាចរណ៍ពិតប្រកដមែនដោយសារ មូលហេតុៈអ្នកបើកបរម៉ូតូស្រវឹងស្រាទើបរ៉េចង្កូតដួលបែបនេះ។ សពត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកមកធ្វើបុណ្យតាមប្រពៃណី ៕