ឃាត់ខ្លួនជនសង្ស័យ យកដុំថ្មគប់ចូលផ្ទះគូបដិបក្ស បណ្ដាលឲ្យស្ត្រីម្នាក់រងរបួសក្បាល

ខេត្តតាកែវ ៖ ហេតុការណ៍នេះបានកើតឡើងនៅ ថ្ងៃទី៧ ខែកុម្ភៈ ឆ្នាំ២០២២ ស្ថិតនៅភូមិត្រាំខ្នារ ឃុំសូភី ស្រុកបាទី ខេត្តតាកែវ។ ករណីនេះបង្កឡើងដោយជនសង្ស័យឈ្មោះសានសារឿនភេទប្រុស អាយុ៣៧ឆ្នាំមុខរបរមិនពិតប្រាកដ មានទីលំនៅភូមិត្រាំខ្នារ ឃុំសូភី ស្រុកបាទីខេត្តតាកែវ បានយកដុំថ្មគប់ទៅលើផ្ទះជនរងគ្រោះឈ្មោះប៉ុល ខេង ភេទប្រុស អាយុ៥១ឆ្នាំ មានទីលំនៅភូមិឃុំកើតហេតុខាងលើ បណ្ដាលឲ្យបែកកញ្ចក់ទ្វារផ្ទះចំនួនពីរផ្ទាំង ហើយបានគប់ទៅលើជនរងគ្រោះឈ្មោះឡោ ឆេង ភេទស្រី អាយុ ៥៧ឆ្នាំមានទីលំនៅភូមិឃុំកើតហេតុខាងលើ បណ្ដាលឲ្យរងរបួសបែកក្បាលពីក្រោយ ។ ក្រុមគ្រួសារបានបញ្ជូនជនរងគ្រោះទៅព្យាបាលជំងឺនៅមន្ទីរពេទ្យភ្នំពេញ។
មូលហេតុបណ្ដាលមកពីរឿងគំនុំព្រោះក្រុមគ្រួសារទាំងពីរធ្លាប់មានទំនាស់នឹងគ្នា ក្រោយធ្វើសកម្មភាពជនសង្ស័យត្រូវបានកម្លាំងជំនាញអធិការរដ្ឋាននគរបាលស្រុកបាទី ធ្វើការឃាត់ខ្លួនចាត់បញ្ជូនបន្តតាមនីតិវិធី៕