ប្រទះឃើញសាកសពបុរសម្នាក់ បានលង់ទឹកប្រឡាយស្លាប់

ខេត្តតាកែវ ៖ ករណីភ្ញាក់ផ្អើលមួយបានកើតឡើងខណៈដែរគេប្រទះឃើញសាកសពបុរសម្នាក់បានលង់ទឹកប្រឡាយស្លាប់។ ហេតុការណ៍នេះបានកើតឡើងនៅ ថ្ងៃទី៧ ខែកុម្ភៈ ឆ្នាំ២០២២ ស្ថិតនៅប្រឡាយទឹក ចំនុចប្រសព្វភូមិបី គឺភូមិប្រជុំ ភូមិត្រពាំងរបើម និងភូមិគ្រាំងស្វាយ ស្ថិតក្នុងឃុំស្រែរនោង ស្រុកត្រាំកក់ ខេត្តតាកែវ ខាងកើតវត្តអង្គសំរិទ្ធចំងាយ២៥០ម៉ែត្រ។
ជនរងគ្រោះឈ្មោះ ទឹម មេត ភេទ ប្រុស អាយុ២១ឆ្នាំ គ្មានទីលំនៅពិតប្រាកដ រស់នៅតាមវត្ត មានស្រុកកំណើត ភូមិព្រៃមោគ ឃុំស្រែរនោង ស្រុកត្រាំកក់ ខេត្ត តាកែវ(ជនអាណាថា) ។
ករណីខាងលើនេះត្រូវបានលោកមេភូមិទាំង៣ភូមិ ក្រុមប្រឹក្សាឃុំ ប្រជាពលរដ្ឋ និងព្រះសង្ឃបានយកសពមកធ្វើបុណ្យនៅវត្តអង្គសំរិទ្ធ ៕