បងថ្លៃ ប្អូនថ្លៃឈ្លោះប្រកែកគ្នារឿងគេជួលមេនដុតសព បងថ្លៃទាញពូថៅពុះក្បាលប្អូនថ្លៃ រងរបួសធ្ងន់

កណ្ដាល៖ កាលពីថ្ងៃទី៧ ខែកុម្ភៈ ឆ្នាំ២០២២ នៅចំណុច ភូមិព្រែកតាកែវ២ ឃុំសំរោងធំ ស្រុកកៀនស្វាយ ខេត្តកណ្ដាល។ ជនរងគ្រោះឈ្មោះ ខន វាសនា ភេទប្រុសអាយុ ៣៤ ឆ្នាំ ជនជាតិខ្មែរ មុខរបរជាងម៉ូតូ មានទីលំនៅភូមិ ព្រែកតាកែវ២ ឃុំ សំរោងធំ ស្រុកកៀនស្វាយ របួសក្បាលធ្ងន់ ត្រូវបានបញ្ចូនទៅព្យាបាលនៅមណ្ឌុលសុខភាព ឃុំសំរោងធំ ស្រុកកៀនស្វាយ ខេត្តកណ្តាល។ ដោយឡែកជនសង្ស័យឈ្មោះ ខៅ វ័ន្ត ភេទ ប្រុស អាយុ ៣៥ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំជាមួយគ្នា ត្រូវបានឃាត់ខ្លួន។សមត្ថកិច្ចបានចាប់យកវត្តុតាងបានរួមមាន៖ពូថៅដៃដងឈើ១ ប្រវែង៣០ សង់ទីម៉ែត្រ មុខពូថៅ មានប្រវែង៦ សង់ទីម៉ែត្រ ដងឈើមានប្រវែង ២៥ សង់ទីម៉ែត្រ។
សមត្ថកិច្ចមូលដ្ឋានស្រុកកៀនស្វាយបានឲ្យដឹងថា កាលពីថ្ងៃ០៧ ខែកុម្ភ: ឆ្នាំ២០២២ ជនរងគ្រោះនិងជនសង្ស័យ ដែលត្រូវជាបងប្អូនថ្លៃ និងគ្នា មានទំនាស់ព្រោះរឿងគេជួលមេនដុតសព ពេលនោះជនសង្ស័យខឹងប្អូនថ្លៃ ក៏បានទាញយកពូថៅកាប់ទៅលើជនរងគ្រោះបណ្តាលឲ្យរងរបួសក្បាលដេរចំនួន៥ថេ្នរ។
ក្រោយទទួលបានពាក្យបណ្តឹងភ្លាម កម្លាំងប៉ុស្តិ៍រដ្ឋបាលសំរោងធំបានសហការជាមួយជំនាញយុត្តិធម៌ចុះដល់ចណុចកើតហេតុនិងឃាត់ខ្លួនសួរនាំរួចជនសង្ស័យបានសារភាពថា ពិតជាបានកាប់ទៅលើជនរងគ្រោះពិតប្រាកដមែន៕