ជនសង្ស័យប្រុសស្រី៣នាក់ ពាក់ព័ន្ធករណី ប្រើប្រាស់ និងជួញដូរនូវសារធាតុញៀនខុសច្បាប់

ខេត្តរតនគិរី ៖ ជនសង្ស័យប្រុសស្រី៣នាក់ពាក់ព័ន្ធករណី ប្រើប្រាស់និងជួញដូរនូវសារធាតុញៀនខុសច្បាប់ ត្រូវសមត្ថកិច្ចឃាត់ខ្លួន រួមជាមួយវត្ថុតាងសារធាតុញៀន៦កញ្ចប់ រួមនិងសម្ភារៈសម្រាប់សេព កាលពី ថ្ងៃទី១០ ខែកុម្ភៈ ឆ្នាំ២០២២ នៅចំណុចក្នុងបន្ទប់ជួលមួយកន្លែង ស្ថិតក្នុងភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។

បង្ក្រាបករណីជួញដូរគ្រឿនញៀន នៅចំណុចបន្ទប់ជួលមួយកន្លែង នៅចំណុចភូមិឃុំខាងលើ រកឃើញនូវសារធាតុញៀន៦កញ្ចប់ និងសម្ភារៈប្រាប់សេពមួយចំនួន និងបានឃាត់ខ្លួនជនសង្ស័យចំនួន០៣នាក់ ស្រី០១នាក់។ ជនសង្ស័យទាំង៣នាក់ មានឈ្មោះដូចខាងក្រោម ៖
១.ឈ្មោះ គីន កែវ ភេទប្រុស អាយុ ២៥ឆ្នាំ ជនជាតិខ្មែរ មុខរបរ មិនពិតប្រាកដ។
២.ឈ្មោះ ស៊្រុន គន្ធា ភេទប្រុស អាយុ ២២ឆ្នាំ ជនជាតិខ្មែរ មុខរបរ មិនពិតប្រាកដ។
៣.ឈ្មោះ នួន ស្រីនាត ភេទស្រី អាយុ ២១ឆ្នាំ ជនជាតិខ្មែរ មុខរបរ មិនពិតប្រាកដ។
ជនសង្ស័យខាងលើ ត្រូវបានតេស្តរកសារធាតុញៀនជាលទ្ធផល វិជ្ជមានទាំង០៣នាក់។
សូមបញ្ជាក់ផងដែរថា វត្ថុតាងដកហូតបានរួមមាន:
១. ម្សៅក្រាមសថ្លា សង្ស័យជាសារធាតុញៀន ចំនួន០៦កញ្ចប់
២. ម៉ូតូ០១គ្រឿង
៣. ទូរស័ព្ទដៃ០២គ្រឿង
៤. សម្ភារៈបម្រើអោយការសេពនូវសារធាតុញៀនមួយចំនួន។ ជនសង្ស័យ រួមទាំងវត្ថុតាងត្រូវបានឃាត់ និងរក្សាទុកនៅការិយាល័យជំនាញ ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធីច្បាប់៕