មេឈ្មួញដុះស្លែ ឈ្មោះ នី ដឹកឈើឃ្លុំ សាំយ៉ុង២គ្រឿង ឈ្មោះ ចែដែន ដឹកឈើក្រមឃ្លុំ សាំយ៉ុង៥គ្រឿង ផល និង ឈ្មោះ ធា ចាប់ផ្ដើមធ្វើសកម្មភាព លួចចូលទៅដឹកឈើខុសច្បាប់ចេញ ពីក្នុងតំបន់ដែនជម្រកសត្វព្រៃ-ព្រៃឡង់ ទៀតហើយ

ក្រចេះ ៖ នៅថ្ងៃទី១២ខែ០២ ឆ្នំា២០២២ មេឈ្មួញដុះស្លែ ឈ្មោះ នី ដឹកឈើឃ្លុំ សាំយ៉ុង២គ្រឿង ឈ្មោះ ចែដែន ដឹកឈើក្រមឃ្លុំ សាំយ៉ុង៥គ្រឿង ផល និង ឈ្មោះ ធា ចាប់ផ្ដើមធ្វើសកម្មភាព លួចចូលទៅដឹកឈើខុសច្បាប់ចេញ ពីក្នុងតំបន់ដែនជម្រកសត្វព្រៃ-ព្រៃឡង់ ទៀតហើយ ជាក់ស្តែងនៅថ្ងៃទី០៩-១០-១១ ខែកុម្ភៈ ឆ្នាំ២០២២ នេះ ក្រុមអ្នកស្រាវជ្រាវរបស់អ្នកសារព័ត៌មានយើង ជិត១០០អង្គគភាព បានចូលទៅដល់ចំណុច ដែលតាមប្រភព ព័ត៌មានច្បាស់ការណ៍ បានឱ្យដឹងថា មានប្រជាពលរដ្ឋសម្រុកចូលទៅកាប់ឈើយ៉ាងគគ្រឹកគគ្រេង និង អនាធិបតេយ្យ បំផុតនោះ ដូចជា ÷ ចំណុច អូរកំបោរ អូរគ្រួត អូរចារ ច្រប់ស្វាយ និងចំណុច ចែម៉ែ ស្ថិតនៅក្នុងភូមិសាស្ត្រ ទឹកដីឃុំកំពុងចាម ស្រុកសំបូរ ខេត្តក្រចេះ។
ជាក់ស្តែងសង្កេតឃើញ នៅសេសសល់តែគល់ និងជំនៀឈើ នៅពាសពេញព្រៃតែប៉ុណ្ណោះ នេះហើយគឺជាភស្តុតាងពិតៗច្បាស់ៗ សបញ្ជាក់ឱ្យឃើញថា ពិតជាមានការកាប់បំផ្លាញព្រៃឈើនៅក្នុងតំបន់ដែនជម្រកសត្វព្រៃ-ព្រៃឡង់ ពិតប្រាកដមែន ។
ឈើជាច្រើនដែលពួកគេបានបំផុស និងកែនប្រជាពលរដ្ឋមកពីគ្រប់ទិសទី នៅក្នុងខេត្តក្រចេះ កំពុងធំ និង ខេត្តព្រះវិហារ ឱ្យចូលទៅកាប់អារជ្រៀកនោះ ភាគច្រើន មួយចំនួនធំ គឺគេដឹកយកទៅលក់ឱ្យពួក មេឈ្មួញៗ ដែលកំពុងនៅរង់ចាំ ប្រមូលទិញបន្ត ពីពួកក្រុមឈ្មួញដែលកែនគេចូលទៅកាប់-អារ-ច្រៀក នៅក្នុងតំបន់ដែនជម្រកសត្វព្រៃ-ព្រៃឡង់ នៅក្នុងទីតាំងក្រុមហ៊ុន និងបានយកឈ្មោះ ក្រុមហ៊ុនស៊ីបាយអូថេក មកប្រើពេញៗ មាត់តែម្ដង ក្រុមមេឈ្មួញដុះស្លែទាំងនោះមានឈ្មោះ វុធ-វឿន-ជា សណ្ដាន់-ផា ប៉ូលិសសណ្ដាន់-ចែ ធារ៉ា មេឈ្មួញមកពីខេត្តព្រះវិហារ និងលោក ទ្រី វិច្ឆិកា ភ្នាក់ងារទូរទស្សន៍ហង្សមាសប្រចាំខេត្តព្រះវិហារ គេឧស្សាហ៍ឃើញគាត់ល្អូកល្អឺន ចាក់ទឹកមិនលិច ជាមួយលោកស្រី ធារ៉ា ចុះមកពិនិត្យ មើលឈើជាញឹកញាប់។
ហើយឈើនោះជាប្រភេទឈើលេខ១ (ឈើឈ្លីក) រីឯឈើមួយចំនួនទៀត គេដឹកកាត់ តាម ស្រុកសំបូរ និងស្រុកព្រែកប្រសព្វ ខេត្តក្រចេះ ចេញទៅដោយស្រួលៗ យ៉ាងរលូនតែម្ដង យកទៅលក់ និង ចែកចាយបន្ត នៅតាមបណ្ដារខេត្តផ្សេងៗដូចជា ខេត្តកំពុងចាម ខេត្តត្បូងឃ្មុំ និងខេត្តព្រៃវែង ជាដើម។ល។ បើតាមប្រភពច្បាស់ការណ៍ មួយ ទៀត បានឱ្យដឹងទៀតថា នៅយប់នេះ ត្រូវនឹងថ្ងៃទី១១ ខែកុម្ភៈ ឆ្នាំ២០២២ នេះ មេឈ្មួញឈ្មោះ ចែដែតៗ បានត្រៀម ដឹកឈើឃ្លុំ ប្រភេទឈើឈ្លីក ចេញចំនួន ៥ រថយន្តសាំយ៉ុងយក្សៗ ដូចមេឈ្មួញឈ្មោះពូនី នេះអញ្ចឹងដែរ ចេញពីក្នុងតំបន់ដែនជម្រកសត្វព្រៃ-ព្រៃឡង់ ឮដំណឹងថា ចែដែន កំពុងតែរត់ការ ជាមួយពូៗសមត្ថកិច្ចៗ ដែលឈរជើងនៅតំបន់នោះ យ៉ាងសស្រាក់ សស្រាំ ខ្វែងដៃខ្វែងជើង ដើម្បីដឹកឈើខុសច្បាប់នេះ បានសុខស្រួល រលូនដល់គោលដៅ ៕