ឃាត់ខ្លួនបញ្ជូនទៅតុលាការ ពាក់ពន្ធលើពាក្យបណ្តឹងពីបទ.រំលោភលើទំនុកចិត្ត បទកិបកេង នឹងបទ.ក្លែងត្រា ដើម្បីលួចទឹកប្រាក់ក្រុមហ៊ុន នឹងឆបោកប្រាក់ចំនួន៣.៧០១.៧១៨ ដុល្លារ (ជិត៤លានដុល្លារ) ឃុបឃិតជាមួយបក្ខពួក២ទៅ៣នាក់ទៀត

ភ្នំពេញ ៖ កាលពីរសៀលថ្ងៃទី១៩ ខែកុម្ភៈ ឆ្នាំ២០២២នេះ ស្ត្រីម្នាក់អតីតជាប្រធានចាត់ការទូទៅ នៅក្រុមហ៊ុនHYUNDAI PACKANGING (CAMBODIA)CO. LTD ត្រូវបានកម្លាំងសមត្តកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ ឃាត់ខ្លួនបញ្ជូនទៅតុលាការ ពាក់ពន្ធលើពាក្យបណ្តឹងពីបទ.រំលោភលើទំនុកចិត្ត បទកិបកេង នឹងបទ.ក្លែងត្រា ដើម្បីលួចទឹកប្រាក់ក្រុមហ៊ុន នឹងឆបោកប្រាក់ចំនួន៣.៧០១.៧១៨ ដុល្លារអាមេរិក (ជិត៤លានដុល្លារ) ឃុបឃិតជាមួយបក្ខពួក២ទៅ៣នាក់ទៀត ។
ស្ត្រីរូបនោះមានឈ្មោះ ឡាច សុខអ៊ាង អាយុ៤២ ឆ្នាំ ស្នាក់នៅផ្ទះគ្មានលេខ ផ្លូវវ៉េងស្រេង ភូមិត្រពាំងថ្លឹង សង្កាត់ចោមចៅ រាជធានីភ្នំពេញ ។
សំណុំរឿងបានស្ថិតនៅលោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បើកការស៊ើបសួរ នឹងក្រោយពីស៊ើបសួរតំណាងអយ្យការ ក៏បានសម្រេចធ្វើការចោទប្រកាន់ ស្ត្រីរូបនោះជាផ្លូវការ រួចបានចាត់បញ្ជូនទៅខាងចៅក្រមស៊ើបសួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ។
ស្ត្រីនេះបានរងនូវពាក្យបណ្តឹងរបស់ឈ្មោះ ស៊ីន ដង់ជីន ភេទប្រុស អាយុ៣៧ ឆ្នាំ ជាជនជាតិកូរ៉េ មុខរបរជាអភិបាលក្រុមហ៊ុន HYUNDAI PACKANGING (CAMBODIA) CO. LTD ជាក្រុមហ៊ុននាំចូល.លក់ចេញ នូវ (ផលិតផលវេចខ្ចប់ ដែលមានវត្ថុធាតុដើមធ្វើអំពីក្រដាស) ។
ពាក្យបណ្តឹងបានចោទប្រកាន់អ្នកស្រី ថា រាល់ទំនិញដែលត្រូវនាំចូល នឹងលក់ចេញ ស្ត្រីឈ្មោះ ឡាច សុខអ៊ាង បានឃុបឃិត ជាប្រពន្ធ ជាមួយបក្ខពួកជាជនបរទេស២ នាក់ ជាអ្នកកាន់ឃ្លាំង នឹងអ្នកធ្វើរបាយការណ៍ ក្នុងការក្លែងបន្លំនូវត្រា ដើម្បីកិបកេង ប្រាក់របស់ក្រុមហ៊ុនប្រមាណជិត៤លានដុល្លារអាមមេរិ ប៉ុន្តែស្ត្រីជាប់សង្ស័យបានបដិសេធ ថាចំណែកគាត់ពាក់ព័ន្ធត្រឹមតែជាង៣ម៉ឺនដុល្លារប៉ុណ្ណោះទេ ដែលខុសឆ្ងាយពីឯកសាររបស់ដើមបណ្តឹងបានចោទប្រកាន់អ្នកស្រី ឡាច សុខអ៊ាង ថា ម្នាក់គាត់មិនក្រោមពី៨០ម៉ឺនដុល្លារ នោះទេ ។
តែទោះជាយ៉ាងណាក្តីសំណុំ រឿងនេះ នារសៀលថ្ងៃទី២០ ខែកុម្ភៈ ចៅក្រមស៊ើបសួរសាលាដំបូងរាជធានីភ្នំពេញ ទំនង នឹងសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន ដើម្បីបើកការស៊ើបអង្កេតរកការពិតដល់គូភាគីទាំងពីរឲ្យមានតម្លាភាពបន្តទៀត ៕