រថយន្តធន់ធំមួយគ្រឿង ខណៈកំពុងបើកបរផ្លូវស្ទះហ្វ្រាំងមិនជាប់ ជ្រុលបុកកង់បីឥណ្ឌា រុញទៅបុករ៉ឺម៉កដឹកទឹកសុទ្ធបន្តបុករថយន្តCRV រុញទៅបុកម៉ូតូ៥គ្រឿង បណ្តាលឲ្យរងការខូចខាតយ៉ាងដំណំ

ភ្នំពេញ៖ កាលពី រសៀល ថ្ងៃទី៥ ខែមីនា ឆ្នាំ២០២២ នៅចំណុចមុខផ្សារចោមចៅ តាមបណ្តោយផ្លូវចោមចៅ ក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ។
មុនពេលកើតហេតុគេបានឃើញរថយន្តម៉ាកFOSO ពណ៌ស ពាក់ស្លាកលេខភ្នំពេញ5A 1276 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើតចុះផ្លូវក្រោមដីឆ្ពោះទៅផ្លូវចោមចៅខណៈមកដល់ចំណុចកើតហេតុដោយស្ថានភាពផ្លូវ កំពុងស្ទះស្រាប់តែហ្វ្រាំងមិនជាប់ក៏ជ្រុលទៅបុករ៉ឺម៉កកង់បីឥណ្ឌាពីក្រោយរុញទៅបុករ៉ឺម៉កដឹកទឹកសុទ្ធរុញទៅបុករថយន្តRCV មួយគ្រឿងទៀតបន្តរុញទៅបុកម៉ូតូចំនួន៥គ្រឿងបន្ថែមបណ្តាលឲ្យរងការខូចខាតយ៉ាងដំណំតែសំណាងមិនមានមនុស្សរងរបួស ៕