រថយន្តមួយគ្រឿង មានដាក់ស្លាកសញ្ញាសេះហោះមានជ័យបុកម៉ូតូមួយគ្រឿង បណ្ដាលឱ្យអ្នកបើកបរម៉ូតូស្លា.ប់នៅនឹងកន្លែង

ក្រុងប៉ោយប៉ែត៖ ហេតុការណ៍នេះបានកើតឡើងនៅ ថ្ងៃទី០៨ ខែមីនា ឆ្នាំ២០០២២ តាមបណ្ដោយផ្លូវជាតិលេខ៥ ខាងកើតផ្លូវចូលភូមិសុខសាន្តប្រហែល៣០០ម៉ែត្រ ស្ថិតនៅក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។

ករណីគ្រោះថ្នាក់ចរាចរណ៍រវាងរថយន្តនឹងម៉ូតូនេះគឺកើតឡើងក្នុងពេលដែលយានយន្តទាំងពីរគ្រឿងនេះបើកក្នុងទិសដៅផ្ទុយគ្នា។ ប្រភពដដែលបានឱ្យដឹងទៀតថា មុនពេលកើតហេតុមានម៉ូតូមួយគ្រឿងម៉ាក yamaha excitor ពណ៌សខ្មៅ គ្មានស្លាកលេខ បើកបរដោយបុរសម្នាក់មិនស្គាល់ឈ្មោះ(ស្លាប់នៅកន្លែងកើតហេតុ) បានបើកក្នុងទិសដៅពីកើតទៅលិច លុះមកដល់ចំណុចកើតហេតុបានបើកជែងម៉ូតូមួយគ្រឿងទៀតក៏ជ្រុលទៅបុកជាមួយរថយន្តដឹកទឹកកកពណ៌សដាក់យីហោសេះហោះមានជ័យ ពាក់ស្លាកលេខ បន្ទាយមានជ័យ 3A- 1713 ដែលបើកក្នុងទិសដៅពីលិចទៅកើតបណ្ដាលឱ្យមានគ្រោះថ្នាក់រហូតដល់ស្លាប់តែម្តង។

មូលហេតុដែលបណ្តាលឱ្យមានគ្រោះថ្នាក់នេះគឺមកពីម៉ូតូនិងរថយន្តខាងលើបើកបរក្នុងល្បឿនលឿន គ្មានការប្រុងប្រយ័ត្ន ។ ក្រោយពីធ្វើការវាស់វែងរួចហើយ សាកសពរបស់ជនរងគ្រោះត្រូវបានយកទៅរក្សាទុកនៅវត្តរតននិមិត្តកូនដំរី រង់ចាំក្រុមគ្រួសារមកយកទៅធ្វើបុណ្យតាមប្រពៃណី ចំណែកឯអ្នកបើកបររថយន្តក្រោយកើតហេតុបានរត់គេចខ្លួនបាត់ ៕