ឃាត់បុរសដៃដល់ម្នាក់ វាយប្រពន្ធចំនួន២ដៃ ហើយស្លាប់ពេលបញ្ជូនទៅសង្រ្គោះ នៅមន្ទីរពេទ្យ

ខេត្តពោធិ៍សាត់៖ នាថ្ងៃព្រហស្បតិ៍ ៨រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែមីនា ឆ្នាំ២០២២ នេះថា បុរសសង្ស័យជាប្ដីត្រូវបាននាំខ្លួនយកមកសួរនាំ ឈ្មោះ សារ៉ូ វុធ ភេទប្រុស អាយុ៥៥ឆ្នាំ ជនជាតិខ្មែរ បច្ចុប្បន្ន មានទីលំនៅ ភូមិវាលវង់ ឃុំរកាត ស្រុកភ្នំក្រវាញ ខេត្តពោធិ៍សាត់ ។
នាំខ្លួនជនសង្ស័យយកមកសួរនាំនេះ ពាក់ព័ន្ធករណីហិង្សាមានស្ថានទម្ងន់ទោស(មរណភាព)ខណៈប៉ុន្មានថ្ងៃមុនជនសង្ស័យជាប្តី(សារ៉ូ វុធ)បានវាយប្រពន្ធចំនួន២ដៃចំឆ្អឹងជំនីរខាងឆ្វេង បណ្ដាលឱ្យចុករួចបញ្ជូនទៅសង្រ្គោះនៅមន្ទីរពេទ្យបង្អែកស្រុកភ្នំក្រវាញតែបានស្លាប់ ។ ស្រ្តីជាប្រពន្ធ(ស្លាប់)ឈ្មោះ មាន ហួយ អាយុ ៦០ឆ្នាំ ជនជាតិខ្មែរ រស់នៅភូមិ.ឃុំកើតហេតុ ។
បុរសសង្ស័យជាប្ដី និងស្រ្តីជាប្រពន្ធ(ស្លាប់)ចូលចិត្តផឹកស្រាជាប្រចាំដូចគ្នា។ ករណីនេះ សមត្ថកិច្ចនគរបាលជំនាញ និងមន្រ្តីស្ថាប័នពាក់ព័ន្ធ សហការពិនិត្យ និងធ្វើការស្រាវជ្រាវយ៉ាងយកចិត្តទុកដាក់ ថែមទាំងធ្វើកំណត់ហេតុរួមមតិគ្នា ៕