មនុស្សចំនួនបួននាក់ បានរងរបួសធ្ងន់ ករណីគ្រោះថ្នាក់ចរាចរណ៍ ដ៏គួរឲ្យរន្ធត់ រវាងរថយន្តដឹកកុងតឺន័រ និងរថយន្តដឹកឡាំងក្រដាស

ស្វាយរៀងៈ ហេតុការណ៍នេះ បានកើតឡើង កាលពី រសៀល ថ្ងៃទី១០ ខែមីនា ឆ្នាំ ២០២២ លើផ្លូវជាតិលេខ១ ចំណុចភូមិថ្នល់កែង ឃុំកណ្ដៀងរាយ ស្រុកស្វាយទាប ខេត្តស្វាយរៀង។
មនុស្សចំនួនបួននាក់ បានរងរបួសធ្ងន់ នៅក្នុងករណីគ្រោះថ្នាក់ ចរាចរណ៍ ដ៏គួរឲ្យរន្ធត់មួយ រវាងរថយន្តដឹកកុងតឺន័រ និងរថយន្តដឹកឡាំងក្រដាស ក្នុងទិសដៅ ផ្ទុយគ្នា ហើយក្រោយពីបង្កគ្រោះថ្នាក់នោះ រថយន្តដឹកឡាំងក្រដាស បានខ្ទាតប៉ើងថយក្រោយ ក្រឡាប់សង្កត់ពីលើម៉ូតូអ្នកដំណើរ ដែលកំពុងធ្វើដំណើរ ពីខាងក្រោយតែម្តង។
គ្រោះថ្នាក់ចរាចរណ៍នេះ គឺរវាងរថយន្តកុងតឺន័រ និងរថយន្តហ៊ីយ៉ាន់ដាយ ហើយខ្ទាតត្រូវម៉ូតូចំនួន ពីរគ្រឿង បណ្ដាលអោយមនុស្ស រងរបួសធ្ងន់សរុបចំនួន បួននាក់ ប្រុស (អ្នកបើកបររថយន្ត ពីរនាក់ និងអ្នកបើកបរម៉ូតូ ពីរនាក់) ហើយបច្ចុប្បន្ន ពួកគេ បានត្រូវបញ្ជូនទៅសង្គ្រោះបន្ទាន់ នៅមន្ទីរពេទ្យ។
មូលហេតុ គឺបណ្ដាលមកពីរថយន្ត ហ៊ីយ៉ាន់ដាយ វ៉ាជែង ក្នុងស្ថានភាពគ្រោះថ្នាក់៕