ឃាត់ខ្លួនជនសង្ស័យម្នាក់ ករណី.រំ.លោ.ភ.លើទំនុកចិត្ត យកម៉ូតូទៅបញ្ចាំ

ភ្នំពេញ៖ កាលពី ថ្ងៃទី១២ ខែមីនា ឆ្នាំ២០២២ នៅចំណុចភូមិព្រៃព្រីងខាងជើងសង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះហុង សៀងហៃ ភេទប្រុសអាយុ៣១ឆ្នាំ មុខរបរកម្មកររោងចក្រ ស្នាក់នៅបន្ទប់ជួលភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ។
ចំណែកជនសង្ស័យឈ្មោះសេង សូវៀត ភេទប្រុស អាយុ៣៥ឆ្នាំ មុខរបរជាងចាក់សាក់ ស្នាក់នៅភូមិព្រៃព្រៃខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ។
មុនពេលកើតហេតុនៅថ្ងៃទី៨ ខែមីនា ឆ្នាំ២០២២ វេលាម៉ោង១១និង៣០នាទីព្រឹក ជនសង្ស័យបានខលហៅជនរងគ្រោះឱ្យមកចាក់សាក់នៅកន្លែងខ្លួន បន្ទាប់ពីចាក់រួចជនសង្ស័យបានខ្ចីម៉ូតូរបស់ជនរងគ្រោះម៉ាកស៊ុយសុគីឡេត ពណ៌ស ពាក់ស្លាកលេខភ្នំពេញ1AB 6132 យកទៅចាក់សាក់ឱ្យភ្ញៀវនៅម្តុំទួលទំពូង ។ រហូតមកដល់វេលាម៉ោង១១និង២០នាទីថ្ងៃដដែល ក៏ត្រឡប់មកវិញហើយហុចលុយចំនួន៧០០០រៀលទៅជនរងគ្រោះ ដើម្បីទិញស្រាបៀរផឹក លុះផឹកអស់ជនសង្ស័យខ្ចីម៉ូតូម្តងទៀត យកទៅបញ្ចាំនៅឃ្លាំងរំសេវបាត់។
ប្រភពបានបញ្ជាក់ទៀតថា រហូតមកដល់វេលាម៉ោង៦ព្រឹកថ្ងៃទី១២ ខែមីនា ឆ្នាំ២០២២នេះ ជនរងគ្រោះបានទាក់ទងទៅជនសង្ស័យឱ្យមកយកខ្លួនទៅនៅជាមួយព្រោះប្រពន្ធដេញចេញពីផ្ទះ ពេលជនសង្ស័យមកយកជនរងគ្រោះឃាត់ខ្លួនរួចប្រគល់ជូនសមត្ថកិច្ចតែម្តង។ កម្លាំងជំនាញ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕