អគ្គិភ័យឆេះផ្ទះមួយខ្នង បណ្តាលឲ្យរងការខូចខាតអស់ទាំងស្រុង បណ្ដាលមកពីឆ្លងចរន្តអគ្គិសនី

xកំពង់ធំ: នៅថ្ងៃទី១៣ ខែមីនា ឆ្នាំ២០២២ ដែលសិ្ថតនៅចំណុចភូមិ ស្រែវាលខាងកើត ឃុំ ដងកាំបិត ស្រុក សណ្តាន់ ខេត្ត កំពង់ធំ មានករណីអគ្គិភ័យបានកើតឡើងចំនួន០១លើក បណ្ដាលឲ្យឆេះផ្ទះមួយខ្នងនិងរោងមួយខ្នង ឆេះអស់ទាំងស្រុងទំហំ ៧x៩ ម៉ែត្រ ធ្វើអំពីឈើជញ្ជាំងក្តារដំបូលប្រក់ស៊ីប្រូ និងរោងធ្វើអំពីឈើប្រក់ស្បូវទំហំ ៣x៤ ម៉ែត្រ របស់ម្ចាស់ឈ្មោះ យាន សុខ ភេទប្រុស អាយុ ៣៦ ឆ្នាំ រស់នៅក្នុងភូមិ-ឃុំកើតហេតុខាងលើ ។
ករណីខាងលើនេះ ខូចខាតសម្ភារ:រួមមាន៖
– ឆេះផ្ទះអស់ចំនួន០១ខ្នង
– ឆេះរោងអស់ចំនួន០១ខ្នង
– លុយចំនួន១០លានរៀល
– ម៉ូតូចំនួន០៣គ្រឿង (ចាស់ៗ)
– ម៉ានស៊ីនបាញ់ថ្នាំ០២គ្រឿង
– ប័ណ្ណក្រីក្រចំនួន០១ច្បាប់
– សំបុត្រកំណើត ចំនួន ០១ ច្បាប់
– អង្ករ២០គីឡូនិងសម្ភារ:ប្រើប្រាស់មួយចំនួនទៀត ។
មូលហេតុ៖ បណ្ដាលមកពីឆ្លងចរន្តអគ្គិសនី ឆាបឆេះអស់ទាំងស្រុង ៕