មនុស្ស២នាក់ បានស្លាប់ យ៉ាងអាណោចអាធ័ម គ្រោះថ្នាក់ចរាចរណ៍ រវាងឡាននិងម៉ូតូបុកគ្នា

សៀមរាប: នៅ ថ្ងៃទី១៧ ខែមីនា ឆ្នាំ២០២២ ត្រង់ចំណុចខាងលិចស្ពាននាគ ក្នុងភូមិទ្រាំងសង្កាត់ស្លក្រាម ក្រុងសៀមរាប ខេត្តសៀមរាប។ ដោយឡែកអ្នកបើកបររថយន្តត្រូវបានឃាត់ខ្លួនក្រោយពីគ្រោះថ្នាក់នេះកើតឡើង។ ករណីនេះកើតឡើងដោយរថយន្តម៉ាកព្រួស ពណ៌ប្រផេះ ស្លាកលេខភ្នំពេញ 2BD 7208 បានបើកបុកម៉ូតូ ម៉ាកស្គុបពី ពាក់ស្លាកលេខ សៀមរាប1AK 3416 មួយគ្រឿង បណ្តាលឱ្យអ្នកបើកបរម៉ូតូ និងអ្នករួមដំណើរម្នាក់ស្លាប់។
សមត្ថកិច្ចបានឲ្យដឹងថា ជាបណ្តោះអាសន្នសាកសពបានដឹកមកតម្កល់ទុកនៅមន្ទីរពេទ្យខេត្តដើម្បីស្រាវជ្រាវរកសាច់ញាតិរបស់សាកសព។ ចំណែកជនសង្ស័យបើកបររថយន្តត្រូវបានប៉ូលិសឃាត់ខ្លួនបាននៅកន្លែងកើតហេតុ បញ្ជូនយកទៅស្នងការគរបាលខេត្តសៀមរាបដើម្បីអនុវត្តតាមផ្លូវច្បាប់៕