បុរសម្នាក់– ស្-លា-ប់នៅនឹងកន្លែងកើតហេតុភ្លាមៗ ខណៈខ្លួនកំពុងតែដើរឆ្លងផ្លូវ ត្រូវបានរថយន្តមួយគ្រឿងបុក

ខេត្តតាកែវ ៖ ហេតុការណ៍កើតឡើង នៅ ថ្ងៃទី១៩ ខែមីនា ឆ្នាំ២០២២ នៅត្រង់ចំណុចលើផ្លូវជាតិលេខ៣ចន្លោះគីឡូម៉ែត្រលេខ៩៤-៩៥ស្ថិតក្នុងភូមិត្រពាំងកែស ឃុំត្រាំកក់ ស្រុកត្រាំកក់ ខេត្តតាកែវ។
បុរសម្នាក់បានស្លាប់នៅនឹងកន្លែងកើតហេតុភ្លាមៗខណៈខ្លួនកំពុងតែដើរឆ្លងផ្លូវត្រូវបានរថយន្តមួយគ្រឿងបុករួចបន្ថែមល្បឿនគេចបាត់ស្រមោល។

ករណីនេះ បង្កឡើងដោយរថយន្តមួយគ្រឿងមិនស្គាល់ភិនភាគដែលបើកបរមកពីទិសខាងលិចលុះមកដល់ចំណុចខាងលើបានបុកអ្នកថ្មើជើងម្នាក់ឈ្មោះ កែវ ថា ភេទប្រុសអាយុ៤៨ឆ្នាំមានទីលំនៅភូមិត្រពាំងកែស ឃុំត្រាំកក់ស្រុកត្រាំកក់ ខេត្តតាកែវ មុខរបរកសិករ(ស្លាប់នៅកន្លែងកើតហេតុ)ដែលដើរឆ្លងផ្លូវពីជើងមកត្បូងក្រោយពេលកើតហេតុ រថយន្តខាងលើបានបើកគេចខ្លួនបាត់។ចំណែកសាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។

មូលហេតុអ្នកថ្មើរជើងឆ្លងផ្លូវខ្វះការប្រុងប្រយ័ត្ន ក្រោយកម្លាំងជំនាញបានចុះត្រួតពិនិត្យនិងកំពុងកសាងសំណុំរឿងតាមនីតិវិធី៕