កុំយល់ច្រឡំ អំពីការបើកប្រាក់ខែ សម្រាប់ក្រុមមន្រ្តីរាជការ សម្រាប់ពិធីបុណ្យចូលឆ្នាំ ប្រពៃណីជាតិខ្មែរ ឆ្នាំ២០២២នេះ ថា…..

ភ្នំពេញ ៖ ដោយសារមានការយល់ច្រឡំ អំពីការបើកប្រាក់ខែ សម្រាប់ក្រុមមន្រ្តីរាជការ សម្រាប់ពិធីបុណ្យចូលឆ្នាំ ប្រពៃណីជាតិខ្មែរ ឆ្នាំ២០២២នេះ ថាបើកឌុបនោះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបកស្រាយថា ជាភ័ន្តច្រឡំនោះទេ ព្រោះសំណេរសម្តេចនោះ មានតាំងពីប៉ុន្មានឆ្នាំមុនមកម្ល៉េះ ពោរមុនផ្ទុះជំងឺកូវីដ១៩។

ក្នុងឱកាសអញ្ជើញជាអធិបតីភាព ក្នុងពិធីសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យមិត្តភាព កម្ពុជា-ចិនព្រះកុសុមៈ នៅថ្ងៃ២១ មីនា សម្តេចតេជោ បានលើកឡើងថា ឆ្នាំនេះត្រូវតែចូលឆ្នាំឲ្យបាន ហើយចូលរួមសប្បាយទាំងអស់គ្នា ។ ក្នុងនោះ សម្តេចថា ប៉ុន្មានថ្ងៃមុន មានការភ្ញាក់ផ្អើលមួយ បានកើតឡើងថា រាជរដ្ឋាភិបាលកម្ពុជា នឹងបើកប្រាក់ខែ ក្នុងខែ៣ នឹងបើកខែ៤ទៀត ក្នុងពេលជាមួយគ្នា ដើម្បីសម្រួលដល់ស្ថានភាព មន្រ្តីរាជការ ប៉ុន្តែសម្តេចថា នេះជាការភ័ន្តច្រឡំទេ ។

សម្តេចតេជោបញ្ជាក់ថា “ស្រាប់តែថ្ងៃមុននាំគ្នា ផ្អើលម៉ាប្រទេសថា លោកហ៊ុន សែន នឹងបើកអាប្រាក់បៀវត្ស ខែ៣ហើយ ថែមខែ៤ទៀត តើមានឃើញទេ … ថា ឆ្នាំហ្នឹង នឹងបានបើកប្រាក់ខែឌុប បង្កើនប្រាក់ខែ ខែ៣ ហើយមានអាខែ៤ អត់ទេ ។ អាហ្នឹងបង្ហោះតាំងពី ដូចឆ្នាំ២០២០ ឆ្នាំ២០១៩” ៕