យុវជនម្នាក់ បានស្លាប់នៅនឹងកន្លែងយ៉ាងអាណោចអាធ័ម ខណៈជិះម៉ូតូតាមដងផ្លូវ ត្រូវរថយន្ត មួយគ្រឿង បើកក្នុងល្បឿនលឿន បុកពេញទំហឹង

ភ្នំពេញ ៖ កាលពី រសៀលថ្ងៃទី២៤ ខែ មីនា ឆ្នាំ ២០២២ នៅតាមបណ្តោយផ្លូវបេតុង ចូលមណ្ឌលឱកាសខ្ញុំ ក្នុង សង្កាត់ឃ្មួញ ខណ្ឌសែនសុខ រាជធានីភ្នំពេញ។

យុវជនរងគ្រោះ ពុំទាន់ស្គាល់អត្តសញ្ញាណនៅឡើយ មានអាយុ ប្រមាណជិត២០ឆ្នាំ ជិះម៉ូតូ ម៉ាកវ៉េវ ពណ៌ខ្មៅ សេរីចាស់ពាក់ស្លាកលេខ ភ្នំពេញ១AI4491។ ចំណែករថយន្តបង្កម៉ាក TOYOTA RALLY ពណ៌ស ពាក់ស្លាកលេខ ភ្នំពេញ2BM.9950 ។
នៅមុនពេលកើតហេតុ គេឃើញ ជនរងគ្រោះ បានជិះម៉ូតូ ធ្វើដំណើរតាមផ្លូវបេតុង ក្នុងទិសដៅពីលិចទៅកើត ខណៈមកដល់កន្លែងកើតហេតុ ស្រាប់តែ មានរថយន្ត ម៉ាកម៉ាក TOYOTA RALLY ធ្វើដំណើរ ក្នុងទិសដៅពីកើតទៅលិច បញ្ច្រាស់គ្នា មកបុកពេញទំហឹង បណ្តាលឲ្យយុវជនរងគ្រោះ ស្លាប់នៅកន្លែងយ៉ាងអាណោចអាធ័ម ភ្លាមៗអ្នកបើកបរ រថយន្តបានគេចខ្លួនបាត់។

គ្រោះថ្នាក់នគរបាលចរាចរណ៍ក៏បានចុះទៅវាស់វែង យករថយន្តនិងម៉ូតូ បញ្ជូន ទៅកាន់ការិយាល័យ ចរាចរណ៍ផ្លូវគោក ដើម្បី ចាត់ការតាមច្បាប់ ។ ចំណែកសព ត្រូវបាននគរបាលបញ្ជូន ទៅកាន់ឈាបនដ្ឋានវត្តទឹកថ្លាដើម្បីរង់ចាំបងប្អូនមកទទួលយកទៅធ្វើបុណ្យតាមប្រពៃណី៕