បុរសម្នាក់រួមដំណើរជាមួយប្រពន្ធនិងកូន បើករថយន្តរេចង្កូតឡើងលើសួនច្បារ ពុះចែកទ្រូងផ្លូវ បុកបង្គោលភ្លើងមួយដើម បណ្ដាលឱ្យបាក់រាបដល់ដី ចំណែករថយន្តក្រឡាប់ផ្ងារជើងទ្រមេឃ

ភ្នំពេញ ៖ កាលពី យប់ថ្ងៃទី២៥ ខែមីនា ឆ្នាំ២០២២ ស្ថិតនៅតាមបណ្ដោយផ្លូវបុរីអង្គរ ក្នុងសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។

មុនពេលកើតហេតុគាត់បានឃើញបុរសម្នាក់រួមដំណើរជាមួយនប្រពន្ធនិងកូនតូច បានបើករថយន្តម៉ាកតូយ៉ូតាព្រូស ពណ៌កណ្ដុរល្មែះ ពាក់ស្លាកលេខ 2AW-2329 បើកបរតាមបណ្ដោយផ្លូវបុរីអង្គរ ក្នុងទិសដៅពីត្បូងទៅជើងយ៉ាងលឿនមកដល់ផ្លូវកោង មិនប្រយ័ត្នក៏បួងចង្កូតឡើងលើសួនច្បារពុះចែកទ្រូងផ្លូវទៅបុកបង្គោលភ្លើងមួយដើមបណ្តាលឱ្យបាក់រាបដល់ដី រីឯរថយន្តវិញក្រឡាប់ផ្ងារជើងទ្រមេឃ តែសំណាងល្អប្រពន្ធនិងកូនតូចនៅក្នុងរថយន្តមិនមានរងរបួសនោះទេ ។
សមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរណ៍ចុះមកដល់ រួចធ្វើការពិនិត្យនិងស្ទូចយករថយន្តទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ៕