ឪពុកបង្កើតចិត្តសត្វរូបនេះ ស្រាយកំហឹងជាមួយកូនស្រីអាយុ២ឆ្នាំ ដោយចាប់មួលក បណ្ដាលឲ្យរងរបួសធ្ងន់

ខេត្តពោធិ៍សាត់ ៖ ហេតុការណ៍ហិង្សា នេះ បានកើតឡើងនារសៀលថ្ងៃសុក្រ ៨រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៥ ខែមីនា ឆ្នាំ២០២២ នៅផ្ទះលើផ្ទៃទឹក ស្ថិតនៅភូមិព្រែក ឃុំរាំងទិល ស្រុកកណ្ដៀង ខេត្តពោធិ៍សាត់ ។
បុរសវ័យជាង៥០ឆ្នាំចិត្តសាហាវព្រៃផ្សៃម្នាក់ ត្រូវបានសមត្ថកិច្ចនគរបាលឃាត់ខ្លួននាំយកទៅបន្តនីតិវិធី បន្ទាប់ឪពុកបង្កើតចិត្តសត្វរូបនេះ ស្រាយកំហឹងជាមួយកូនស្រីអាយុ២ឆ្នាំ ដោយចាប់មួលកបណ្ដាលឲ្យរងរបួសធ្ងន់ ។
នាល្ងាចថ្ងៃទី២៦ ខែមីនា ឆ្នំា២០២២នេះ ជនសង្ស័យដៃដល់ឈ្មោះ ម៉ឺយ ទក ភេទប្រុស អាយុ ៥៦ឆ្នាំ ជនជាតិខ្មែរ បច្ចុប្បន្ន រស់នៅភូមិ.ឃុំកើតហេតុ ចំណែកកូនស្រីបង្កើត(រងគ្រោះ)ឈ្មោះ ទក តូច អាយុ ២ឆ្នាំ កំពុងសង្រ្គោះនៅមន្ទីរពេទ្យ ។
ករណីហិង្សាក្នុងគ្រួសារនេះ គេពុំបានបញ្ជាក់អំពីមូលហេតុឲ្យបានច្បាស់លាស់ក៏ពិតមែន ប៉ុន្តែគេដឹងថាបណ្ដាលមកពីឪពុក(ម៉ឺយ ទក)ផឹកស្រាស្រវឹង ជនសង្ស័យដៃដល់ជាឪពុក សមត្ថកិច្ចនគរបាលនៃអធិការដ្ឋាននគរបាលស្រុកកណ្ដៀង កំពុងបន្តនីតិវិធី ៕